Nog adres

Кадджын хорзæх - цытджын æгъдауæй

dzasohov_3-107x150.jpg
Зынгæ политикон архайæг æмæ дипломат, ЮНЕСКО-йы хъуыддæгты фæдыл Уæрæсейы Федерацийы сæрдары хæдивæг Дзасохты Алыксандр Республикæ Хуссар Ирыстоны Президенты барамындмæ гæсгæ хорзæхджын æрцыд Хæлардзинады Орденæй.
Бæрзонд паддзахадон хорзæхы тыххæй Президенты барамынд бакаст УФ-йы Республикæ Хуссар Ирыстоны уæлвæткон æмæ æххæстбарджын минæвар Медойты Димитр, Дзасохты Алыксандры райгуырдыл 80 азы сæххæсты цытæн Мæскуыйы цы цытджын æмбырд ауагъдæуыд, уым.
«Республикæ Хуссар Ирыстоны Президент Тыбылты Леониды номæй юбилярæн ацы нысаниуæгджын боны цытæн раарфæ кодта Медойты Димитр, æмæ банысан кодта Республикæ Хуссар Ирыстоны хæдбардзинады рæзт æмæ сфидар кæнынмæ йæ уæзгæ хайбавæрд, йæ националон-паддзахадон интерестæ йын хъахъхъæнгæйæ. Уый фæстæ бакаст Республикæ Хуссар Ирыстоны Президенты барамынд Дзассохты Алыксандры бæрзонд паддзахадон хорзæхæй - Хæлардзинады Орденæй схорзæхджын кæныны тых-хæй», - банысан кодтой минæварады пресс-службæйы.

Дзасохты Алыксандр ма у Республикæ Хуссар Ирыстоны Кады Ордены кавалер дæр.