Nog adres

Банысан кодтой Поэзийы дунеон бон

vecher.jpg
Тыбылты Алыксандры номыл Хуссар Ирыстоны паддзахадон университеты уагъд æрцыд литературон изæр Поэзийы дунеон боны цытæн. Мадзалы хайад райстой интеллигенцийы минæвæрттæ, университеты ахуыргæнджытæ æмæ студенттæ, афтæ ма скъолаты ахуыргæнинæгтæ.

Мадзалы райдианы «Литературон уазæгдон»-ы къухдариуæггæнæг, уырыссаг æмæ фæсарæйнаг литературæты кафедрæйы сæргълæууæг, доцент Пæррæстаты Мананæ банысан кодта, зæгъгæ, «Литературон уазæгдон»-ыл сæххæст 15 азы.
«Ныр 15 азы æмбæлы «Литературон уазæгдон» Поэзийы дунеон боныл, исы уазджыты, поэзиуарзджыты, - загъта Пæррæстаты чызг. - Кæцыфæнды поэтикон уацмыс у алыхатт дæр ахæм райгуырд, кæцы нын æрхæссы циндзинад, æхцондзинад æмæ свæййы нæ дарддæры царды каркас».
Ирыстоны адæмон поэт, драматург, публицист, литературæзонæг, тæлмацгæнæг Джусойты Нафи банысан кодта поэзийы роль алы адæймаджы царды.
«Алы адæймаг, литературæ чи уарзы, исты зонын кæй фæнды, хъуамæ суа сывæллон, уымæн æмæ сывæл-лæттæн ис æмбарынады зонæнтæ, - загъта Нафи. - Æмæ алы адæймаг хъуамæ тыхджын уа зонындзинæдтæй. Хъуамæ æвæра фарстатæ æмæ агура дзуаппытæ, кæннод адæймаг ницыуал хъуыды кæндзæн».

Литературон изæры, мадзалы хайадисджытæ бакастысты зындгонд классикты Михаил Лермонтовы, Александр Твардовскийы, Сергей Михалковы, Иосиф Бродскийы æмæ æндæрты æмдзæвгæтæ.
Мадзалы кæрон литературон изæры уазджытæ æмæ хайадисджытæн радтой бузны-джы гæххæттытæ æмæ грамотæтæ.