Nog adres

Президент раарфæ кодта паддзахадон телерадиокомпани «Ир»-ы кусджытæн

Паддзахадон телерадикомпани «Ир»-ы цытджын кусджытæ!
Æхсызгон мын у, зæрдиагæй раарфæ кæнон уæ бирæнымæц коллективæн стыр æмæ нысаниуæгджын юбилейы - нæхи алæвæрдты райдианыл 20 азы сæххæсты цытæн. 20 азы эфиры - уый цъус æмгъуыд нæу. Азты дæргъы телеканалы куыст телемæкæсджыты аудиторийы зæрдæты бынат ссардта. Банысан кæнын мæ фæнды уыцы нысаниуæгджын хайбавæрд, кæцы уæ коллектив бахаста республикон телеуынынады сырæзтмæ æмæ дарддæры рæзты хъуыддагмæ. Цаутæ хъусын кæныны объективондзинад æмæ рæстдзинад, телемæкæсджытæ æмæ хъусджыты проблемæтæ æмæ æнхъæлындзинæдтæм æнæаразгæ цымыдис - уыдон хауынц æмхъуыдыгæнджыты сфæлдыстадон коллективы гъæд æмæ традицитæм.

Уæ архайд ахсджиаг æмæ æнæмæнгхъæуæг у не 'мбæстæгтæн. Алы изæр дæр паддзахадон телерадиокомпани «Ир»-ы эфир йæхимæ æлвасы телекæсджыты, кæцытæ æнхъæлмæ кæсынц республикæйы царды иууыл ногдæр хабæрттæм. Авторон программæты популярондзинад у телепрограммæ уадзæг гоймæгты бæрæггæнæг, уыцы адæймæгты, кæцытæ æцæгæй иузæрдион сты сæ хъуыддагыл.
Абон æрхъуыды кæнын хъæуы уыдоны, кæцытæ лæууыдысты хуссарирыстойнаг телеуынынады рæзты райдиан, курдиатджын æмæ ирд адæймæгты æнгом командæйы тыххæй, кæцытæ архайдтой сæхицæн ног æмæ цымыдисон хъуыддаджы. Юбилей æрмæст хатдзæгтæ аразæн хъуыддаг нæу, фæлæ ма у, цы æмæ куыд саразын хъæуы, уый тыххæй ахъуыды кæныны хорз фадат. Уый у ног проекттæ райдайыны рæсугъд рæстæг. Ахсджиаг уый у, æмæ уæ къухы цы бафтыд, уымæ нæ кæсгæйæ, æдзухдæр кæй архайут, кæй агурут цымыдисон æмæ ахсджиаг темæтæ.
Уырны мæ, телерадиокомпанийы коллектив дарддæр дæр кæй ориентаци кæндзæн оперативондзинад æмæ æххæст информацийы принциптæм, сæйраджыдæр та йæ хæсыл кæй нымайдзæн, телемæкæсджыты уæрæх аудиторийæн лæггад кæнын. Бузныг уын, адæмæн уæ хъæуæг фæллойы тыххæй. Алы хатт дæр ут рæстдзинад, сабырдзинад æмæ хæрзиуæгон уацты телехид.
Республикæ Хуссар Ирыстоны
Президент ТЫБЫЛТЫ Леонид