Nog adres

Уæрæсейаг спортсменты Олимпаг уæлахизты цытæн Цхинвалы æрбайгом равдыст

Уæрæсейаг зонад æмæ культурæйы центры байгом фоторавдыст «Уæрæсейаг спортсменты Олимпаг уæлахизтæ». Мадзал сорганизаци кодта “Россотрудничество”-йы минæварад 2014 азы Сочæйы XXII Олимпаг зымæгон хъæзтыты цытæн.
РХИ-йы “Россотрудничество”-йы къухдариуæггæнæг Михаил Степанов ИА «Рес»-æн куыд загъта, афтæмæй фоторавдыст у советон æмæ уæрæсейаг спортсменты зымæгон æмæ сæрдыгон Олимпаг хъæзтыты уæлахизты цытæн. «Æрбавдыстгонд æрмæджытæ æвдисынц 1908 азы Лондоны Олимпиадæйы Уæрæсейы æнæофициалон де-легацийы фыццаг æнтыстытæй 2010 азы Ванкуверы Олимпиадæйы уæлахизты онг. Уæрæсейаг спортсментæ сæрыстырæй райстой эстафетæ Советон Цæдисы æмбырдгондæй æмæ сты дунейы хуыздæр спортсменты æмрæнхъ», - банысан кодта уый.

Экспозицийы ис 50 архивон нывы, майдантæ, спортсменты хисæрмагонд дзаумæттæ, спортивон инвентарь æмæ а. д.
«Равдысты цы экспонаттæ ис, уыдон хъахъхъæд цæуынц Спорты паддзахадон музейы Мæскуыйы, граф Алексей Разумовскийы рагон цæрæнуаты. Музейы фондты ис предметтæ, кæцытæ дзурæг сты фыдыбæстæйон спорты историйыл æмæ зæрдыл дарын кæнынц советон æмæ уæрæсейаг спортсменты уæлахизтæ», - загъта “Россотрудничество”-йы къухдариуæггæнæг. Равдыст уыдзæн Уæрæсейаг зонад æмæ культурæйы центры 14-æм февралы онг.