Nog adres

РЕСПУБЛИКÆ ХУССАР ИРЫСТОНЫ ПРЕЗИДЕНТЫ ПРЕСС-СЕКРЕТАРЫ ХЪУСЫНГÆНИНАГ ДЗЫЛЛОН ИНФОРМАЦИТЫ ФÆРÆЗТÆН

13 январы 2014 азы Республикæ Хуссар Ирыстоны Президенты адресыл æрбацыд, дзыллон информацийы фæрæзты чи апарахат, политикон парти «Единая Осетия»-йы уыцы сидт, Ирыстон баиу кæныны тыххæй референдум ауадзыны фæдыл.
Уыцы фарсты фæдыл Президенты пресс-секретарь хъусын кæны Хицауады сæргълæууæджы позици.
«Республикæ Хуссар Ирыстоны Конституцийы 1 уацы бындуриуæг кæнгæйæ, æрмæстдæр республикæйы адæм сты суверенитет хæссæг æмæ Республикæ Хуссар Ирыстоны хицауиуæгады иунæг гуырæн, референдумтæ æмæ сæрибар æвзæрстыты руаджы йæ æххуысæй кæнгæйæ. 1992 азы 19 январы Хуссар Ирыстоны адæм загътой сæ фæндон хæдбардзинад æмæ Уæрæсеимæ баиу кæныныл схъæлæс кæнгæйæ.

2008 азы 26 августы Уæрæсейы Президенты хъысмæтхæссæг Барамынд «Республикæ Хуссар Ирыстоны хæдбардзинад банымайын»-ы тыххæй, цыран нысан цæуы «хуссарирыстойнаг адæмы фæнд» у, 1992-2006 азты референдумты хатдзæгтæ банымайыны нысан.
Республикæйы адæмы уыцы фæнд у Уæрæсейы Федерациимæ ахастыты æмæ Республикæ Хуссар Ирыстоны Президенты политикæйы ориентир. Цæй мидæг ис уыцы политикæ? Сæйраджыдæр, республикæйы къухдариуæгады здæхт паддзахаддзинад сфидар кæныны тыххæй, æхсæнадон инс-титуттæ райтынг кæныны, хæдзарадон æмæ финансон сферæты архайд рауæрæх кæныны, Республикæ Хуссар Ирыстон æмæ Республикæ Цæгат Ирыстон-Аланийы 'хсæн интеграцион процесстæ рауæрæх кæнын Уæрæсейы Федерацийы сконды.
Республикæ Хуссар Ирыстоны Хицауад æмæ Республикæ Цæгат Ирыстон-Аланийы Хицауады æх-сæн социалон-экономикон, ахуырадон-технологон æмæ культурæйы æмгуыстады тыххæй 2013 азы 26 ноябры къухтæ кæуыл æрфыстæуыд, уыцы Сразыдзинад хынцы æнгом æмгуыстады историон традицитæ, дыууæ республикæйы адæмы иудзинадыл бындуриуæг кæнгæйæ.
Ног, гъæдджын æмвæзадмæ хи-зынц æмархайды ахастытæ Уæрæсейы Федераци æмæ Хуссар Ирыстоны 'хсæн хæлардзинад, æмгуысткæнынад æмæ кæрæдзийæн æххуыс кæныны тыххæй 2008 азы 17 сентябры Бадзырды бындурыл.
Бæлвырд у, интеграцион процесстæ размæ кæй цæуынц, кæй рæзынц æппæт социалон-экономикон факторты комплекс, æдасдзинады проблематикæ, бартæ æмæ дунеон уавæр хынцгæйæ.
Банысан кæнын хъæуы, «Уæрæсейы Федерацимæ райсыны æмæ йе сконды Уæрæсейы Федерацийы ног субъект саразыны фæткы тыххæй» УФ-йы Конституцион закъоны уагæвæрдтæ кæй нæ домынц Уæрæсейы Федерацийы скондмæ ног субъект райсыны тыххæй референдум ауадзын. Æнæаивгæ уавæр у Уæрæсейы Федераци æмæ фæсарæйнаг бæстæйы иумиаг бадзырд. Бæлвырд у уый дæр, æмæ мах нæхи Уæрæсейы Федерацийы бæрнджын партнерыл нымайгæйæ, хъуамæ хынцæм Мæскуыйы интерестæ æмæ позици.
Фæлæ уæддæр бахъуыд зæгъын, уæлдæрзагъдгонд парти, паддзахады уæлдæр политикон къухдариуæгадимæ развæлгъау не 'рныхас кæнгæйæ, дзыллон информацийы фæрæзты кæй раразмæ кодта инициативæ, кæцы хауы конституцион арæзт æмæ паддзахады статусы сферæмæ, афтæ ма нæ стратегион партнер æмæ нæ паддзахадимæ йæ ахастыты интерестæм. Ахæм къахдзæф нымад цæуы куыд пиар-акци, æвзарджыты хъусдард химæ здахыны нысанæн.
Республикæ Хуссар Ирыстоны Президент райсинагыл нæ нымайы Республикæ Хуссар Ирыстонæн ахæм ахсджиаг фарстæй политикон пиары нысанæн пайда кæныны æмæ сиды æппæт политикон партитæм, цæмæй архайой Республикæ Хуссар Ирыстоны закъондæттынады фæлгæтты.
Реалонæй æмæ объективонæй уавæрæн аргъкæнгæйæ, фæдфæдылон æгъдауæй кусгæйæ, мах æнæмæнг, райсдзыстæм хъæугæ фæстиуджытæ.