Nog adres

Рæвдыд ныхас - рæвдыдхъуаг адæмæн

zaradta.png
РХИ-йы Президент Тыбылты Леонид бацыд зæрæдтæ æмæ инвалидты пансионат «Аудындзинад»-мæ æмæ ам чи цæры, уыдонæн раарфæ кодта Ног азы сæраппонд. Паддзахады сæргълæууæгимæ уыдысты Президенты Администрацийы къухдариуæг-гæнæджы хæдивæг Пухаты Къоста, Æнæниздзинад хъахъхъæнын æмæ социалон рæзты министр Григори Кулиджанов, Президенты паддзахадон уынаффæгæнæг Сиукъаты Родион.
Ног азы охыл сын раарфæ кæныны фæстæ Президент бацымыдис кодта, пансионаты цæрджытæ цæуыл тыхсынц, сæ царды уавæртæ цахæм сты, уыдæттæм. Тыбылты Леонид ныхас кодта пансионаты директор Теблойты Черменимæ, афтæ персоналимæ дæр, бабæрæг кодта, зæрæдтæ æмæ инвалидтæ кæм цæрынц, уыцы хатæнты, хæрæндоны.
Паддзахады сæргълæууæг банысан кодта, зæгъгæ, кæд ам цалцæггæнæн куыстытæ æххæст æрцыдысты, уæддæр дзы нырма бирæ саразын хъæуы, цæмæй æмбæлон уагмæ конд æрцæуа, æмæ ныфс бавæрдта, республикæйы разамынад æппæтдæр кæй араздзæн сæ царды уавæртæ сын хуыздæр кæныны тыххæй.

«Мах бирæ цыдæртæ сплан кодтам æмæ æппæт уыцы фарстаты скъуыддзаг кæндзыстæм. Стыр ныфс мæ ис, радон хатт та куы ‘рбацæуон, уæд уæ хуыздæр уавæрты кæй æрбаййафдзынæн», - загъта Президент.
Кæронбæттæны Тыбылты Леонид ноджыдæр раарфæ кодта æмæ алкæмæндæр йæ цæст бауарзта фидар æнæниздзинад, бакодта сын зæрдылдарæн лæвæрттæ.
Республикæ
Хуссар Ирыстоны
Президенты пресс-службæ