Nog adres

Уæрæсейы Федерацийы Президент Владимир Владимиры фырт Путинмæ

Республикæ Хуссар Ирыстоны къухдариуæгады, адæмы æмæ сæрмагондæй мæхи номæй дын зæрдиагæй арфæ кæнын æрбалæугæ Ног азы æмæ Сыгъдæг Цыппурсы бæрæгбоны цытæн.
Уырны мæ, æрбалæугæ 2014 азы сыхагон æмæ хæларадон ахастытæ нæ бæстæты æхсæн кæй фидардæр кæндзысты æмæ динамиконæй кæй рæздзысты æхсæнады царды æппæт къабæзты дæр Уæрæсе æмæ Хуссар Ирыстоны адæмты рæсугъд фидæны сæраппонд.

Ногазон бæрæгбонты агъоммæ мæ зæрдæ зæгъы дæуæн æмæ дæ хиуæттæн æнæниздзинад, амонд æмæ хæрзиуджытæ, Уæрæсейы Федерацийы адæмæн та сабырад æмæ фæрныгад.
Республикæ Хуссар Ирыстоны Президент
ТЫБЫЛТЫ Леонид