Nog adres

Æрыгон техникты куыстыты равдыст

img_6652.jpg
Цхинвалы æрыгон техникты республикон станцы арæзт æрцыд равдыст-конкурс «Сараз дæхи къухтæй», зæгъгæ. Хайад дзы райстой æрыгон техникты станцы хъомылгæнинæгтæ, афтæ ма горæты æмæ районты скъолаты ахуыргæнинæгтæ.
Мадзалы райдианы æрыгон техникты станцы организатор Карсанты Людмилæ банысан кодта, зæгъгæ, равдысты нысаниуæг у курдиатджын сывæллæтты сбæлвырд кæнын æмæ сæ фарсмæ балæууын.
«Техникон сфæлдыстад у социалон æмæ зонадон-техникон процессы рæзындзинады ахсджиаг фактор, - загъта Карсанты чызг. - Не станц архайы техникон сфæлдыстад пропагандæ æмæ рæзын кæныныл.
Мадзалмæ æрбацæуджытæн сорганизаци кодтой мастер-класстæ.
Æрыгон техникты станцы директор Цхуырбаты Константин бузныг загъта, конкурсы хайадисджытæн, равдысты активон кæй уыдысты, уый тыххæй æмæ сын йæ цæст бауарзта дарддæр дæр æнтыстытæ техникон сфæлдыстады.
Равдыст-конкурсы уæлахиздзаутæн лæвæрд æрцыд дипломтæ æмæ зæрдылдарæн лæвæрттæ.