Nog adres

Кусынц йæ сæндидзын кæныныл

marfa.JPG
Азы кæронмæ эксплуатацимæ лæвæрд цы паддзахадон уагдæттæ хъуамæ æрцыдаиккой, уыдон нымæцмæ хауд Ветеринарон лабораторийы бæстыхай дæр. Уый тынг бахъыгдард 2008 азы августы хæсты рæстæджы. Бæстыхай кæд аварион уавæры уыд, уæддæр кусджытæ иу къуымы сæ куыст кодтой. 2011 азы арæзтадон фирмæ «Скиф» æрæвнæлдта йæ сæндидзын кæнынмæ.
Ветлабораторийы цы 36 кусæджы уыд, уыдонæй ма абон кусынц æрмæстдæр 7 адæймаджы.
Республикон ветлабораторийы агъуысты ныртæккæ дæр цæуынц арæзтадон куыстытæ, фæлæ стыр къуылымпытимæ. Ацы арæзтадон фирмæйы директор Гæбæраты Роланд куыд зæгъы, афтæмæй уыдон фæнд кодтой азы кæронмæ йæ эксплуатацимæ радтын, финанскæнынад куы уыдаид, уæд. Æнæуый, иумæйагæй сисгæйæ, уагдоны бирæ арæзтадон куыстытæ конд æрцыд. Проектон-сметæйон документаци аразгæйæ, уæд уагъд æрцыд серьезон рæдыд. Хъуамæ уырдæм хаст æрцыдаиккой ветлабораторийы территори æмбонд кæныны хæрдзтæ дæр. Уымæн æмæ паддзахадон стандарттæм гæсгæ бар нæй, цæмæй йæ алфæмблай гом уа. Ацы фарстыл куыст цæуы, фæлæ нырма нæ аскъуыддзаг.

Ветлабораторийы бæстыхай экплуатацимæ лæвæрд кæд æрцæудзæн, уыцы фарсты фæдыл та нын Республикæйы Сæйраг Ветеринарон дохтыр Лолоты Владимир афтæ зæгъы:
- 2011 азæй нырмæ æнхъæлмæ кæсæм, нæ лабораторийы бæстыхай нын кæд сараздзысты. Фæлæ сæйраг æрмæст арæзтадон куыстытæ бакæнын нæу. Уым хъуамæ уа хъæуæг инвентарь, ифтонггæрзтæ ветеринарон-диагностикон куыстытæ кæнынæн. Хицауад нын ныфс æвæры, куыддæр уагдон сцæттæ уа, афтæ сæ уыдонæй дæр кæй сифтонг кæндзысты.
УАЗÆГТЫ М.