Nog adres

Республикæ Хуссар Ирыстоны Парламенты

10 декабры уыд РХИ-йы Парламенты Президиумы рабадт, уагъта йæ Парламенты Сæрдар Коцты Станислав.
Бюджет æмæ хъалонты фæдыл Комитеты сæрдары хæдивæг Цхуырбаты Вадим уынаффæмæ рахаста Комитеты хыгъд, ацы аз 9 мæйы дæргъы бакæнгæ куысты тыххæй.

Коцты Станислав куыд загъта, афтæмæй уыцы фарстыл æрдзурдзысты азы фæуды. Комитет ма уынаффæмæ рахаста РХИ-йы закъоны проект «Бæлвырд хуызы архайдтыты рæстæгмæ æфтиæгты хъалонты тыххæй». Республикæ Хуссар Ирыстоны закъонмæ ивддзинæдтæ æмæ баххæсткæнинæгты бахæссыны тыххæй.
Раныхасгæнæг куыд банысан кодта, афтæмæй ацы фарст Комитеты рабадты уынаффæмæ хаст æрцыд дыууæ хатты. Финансты министрад æмæ эконмикон рæзты министрады ’рдыгæй сын кæй нæ уыд уыцы фарстæн разыйы ныхас, уымæ гæсгæ сæвзæрд бирæ фарстатæ.
Ацы фарсты тыххæй сæ хъуыдытæ загътой депутаттæ Санахъоты Георги, Кокойты Генади, Плиты Александр, РХИ-йы Хъалонтæ æмæ æхцайы æмбырдты фæдыл Комитеты сæрдар Къацты Вадим æмæ РХИ-йы Парламенты барадон управленийы къухдариуæггæнæг Бесаты Зитæ.
Парламенты Сæрдар Коцты Станислав ацы фарст равзарын аргъæвта иу къуыримæ, цæмæй Хицауад уыцы æмгъуыдмæ æрбадæдта Парламентмæ æппæтхъæугæ документтæ.
РХИ-йы Парламенты Президиумы куысты хайад райсой Кокойты Зураб, Плиты Казимир, Дудайты Эрик, Хаситы Александр, Елена Яшина.
РХИ-йы Парламенты Информацион-аналитикон центр