Nog adres

Тыбылты Леонид фембæлд Игорь Зубовимæ

РХИ-йы Президент Тыбылты Леонид йæхимæ райста статс-секретарь - Уæрæсейы Федерацийы Мидхъуыддæгты министры хæдивæг Игорь Зубовы, кæцы кусæгон балцы ис Хуссар Ирыстоны. Фембæлды рæстæджы уынаффæ цыдис Уæрæсейы Федераци æмæ Хуссар Ирыстоны Мидхъуыддæгты министрадты 'хсæн æмкуысткæнады фарстатыл.
Паддзахады сæргълæууæг стыр аргъ скодта Игорь Зубовы архайдæн æмæ йын бузныг загъта Хуссар Ирыстоны Мидхъуыддæгты министрады рæзтмæ цы бавæрд бахаста, уый тыххæй. «Мах бузныг стæм дæуæй дæ куыст æмæ архайды тыххæй. Мæн ныфс ис, не 'мкуысткæнынад дарддæр дæр кæй цæудзæнис æмæ хорз фæстиуджытæ нæ къухты кæй бафтдзæнис», - банысан кодта Президент.

Фембæлды кæронбæттæны Тыбылты Леонид уазæджы республикæйы раз йæ лæггæдты тыххæй схорзæхджын кодта паддзахадон хорзæх - Хæлардзинады орденæй. Йæ рады Игорь Зубов бузныг загъта, йæ архайдæн ын стыр аргъ кæй счындæуыд, уый тыххæй. Уый банысан кодта, зæгъгæ, «ацы хорзæх хæсдзæн кадимæ æмæ æууæнчы аккаг уыдзæн».