Nog adres

Æндæрты 'хсæн - хуссарирыстойнæгтæ дæр

Республикæ Хуссар Ирыстоны дзыллон-информацион фæрæзты минæвæрттæ хайад райсдзысты Хуссар Кавказы бæстæты журналисттæн уагъдцæуæг Регионалон скъолайы. РХИ-йы Президент æмæ Хицауады пресс-службæйæ куыд фехъусын кодтой, уымæ гæсгæ Регионалон скъола у кæройнаг этап «Журналисты дæсныйады скъола»-йы проектæн, кæцы реализаци цыд 2013 азы Хуссар Кавказы паддзахадты (Абхаз, Азербайджан, Сомихстон, Гуырдзыстон, Хуссар Ирыстон).
Проекты кæройнаг этап уагъд æрцæудзæн 2013 азы 20-25 ноябры горæт Сочийы.

«Скъола ауадзыны нысан у æвзонг журналистты профессионалон æмвæзад фæбæрзонддæр кæнын, уыдонæн дзыллон-информацион къабазы уæрæсейаг раззагон журналисттæ æмæ специалисттæ мастер-къластæ, зындгонд спортсментæ æмæ æхсæнадон архайджытимæ сын фембæлдтытæ ауадзгæйæ. Скъолайы фæлгæтты план цæуы журналистты Олимпион Сочи æмæ 2014 азы Олимпиадæйы объекттимæ базонгæ кæнын», - фехъусын кодтой пресс-службæйы.
Уæ зæрдыл уын лæууын кæнæм, ацы аз Хуссар Ирыстоны фыццаг хатт уагъд кæй æрцыдысты тренингтæ «Журналисты дæсныйады скъола»-йы проекты фæлгæтты. Мадзалы рæстæджы лекцитæ бакастысты уæрæсейаг уæлдæр ахуыргæнæндæтты ахуыргæнджытæ æмæ зындгонд уæрæсейаг журналисттæ иугонд темæйыл: «Современная журналистика и ее роль в формировании общественного сознания».