Nog adres

НЫХАС ЛЫГГÆНИНАГ ФАРСТАТЫЛ

zasedanie.png
25 октябры Тыбылты Леониды сæргълæудæй уыд Хицауады радон рабадт. Рабадты боны фæткы уыд цалдæр фарсты нормативон-барадон мидисимæ.
РХИ-йы Мидхъуыддæгты министры хæдивæг Кокойты Тарзан уынаффæмæ рахаста «Ахæстæттæй чи ссæрибар, уыцы адæймæгтæм административон хъусдарды тыххæй» закъоны проект. Уый банысан кодта, зæгъгæ, Мидхъуыддæгты министрад ахæм институт саразын нымайы æнæмæнгхъæуæгыл. «Ацы закъоны проекты лæмбынæг фыст сты административон хæслæвæрдтæ æмæ æмгъуыдтæ, афтæ ма ахæстонæй чи ссæрибар, уыцы адæймагмæ хъусдард кæмæ хауы æмæ йæ чи аивта, æппæт уыдæттæ», - загъта уый.
Йæ рады Культурæйы министр Кокойты Махарбег дæр рахаста уынаффæмæ закъоны проект «Республикæ Хуссар Ирыстоны истори æмæ культурæйы цыртдзæвæнтæ хъахъ-хъæнын æмæ сæ пайда кæныны тыххæй». Республикæйы территорийыл уæвæг культурæйы æппæт цыртдзæвæнтæ Хуссар Ирыстоны Конституцимæ гæсгæ сты паддзахадон исад æмæ ацы закъоны проект здæхт у историон æмæ культурон бынты бахъахъхъæныны аудындзинады фæдыл алы æмбæстаджы конституцион хæс-лæвæрдтæ реализаци кæнынмæ», - банысан кодта Кокойты Махарбег.

Рабадты ма уынаффæ цыд, Хуссар Ирыстоны Сырх Дзуары Дунеон Комитеты минæварады уæвынады æмгъуыд адарддæр кæныны фарсты фæдыл дæр, раразмæ йæ кодта Фæсарæйнаг хъуыддæгты министры хæдивæг Коцты Алан. Уый фехъусын кодта, зæгъгæ, Хуссар Ирыстоны Сырх Дзуары Дунеон Комитеты уæвынады æмгъуыд фæуд кæны 1 ноябры, æмæ фæндон бахаста, цæмæй адарддæр уа иу азмæ. Ацы фарстыл дæргъвæтин уынаффæйы фæстæ Хицауады уæнгтæ схъæлæс кодтой, цæмæй республикæйы ацы фæсарæйнаг организацийы уæвынады æмгъуыд адарддæр уа 6 мæймæ.
Президент Тыбылты Леонид Фæсарæйнаг хъуыддæгты министрады бæрны бакодта, цæмæй Сырх Дзуары Дунеон Комитетæй æрдомой лæмбынæг хыгъд, фæстаг аз цы бакуыстой, уый тыххæй æмæ фидæн азы сæ архайды плæнтты тыххæй.
Экономикон рæзты министр Хуыгаты Зæлинæ Хицауады уæнгты размæ уынаффæмæ рахаста фарстатæ Респуб-ликæ Хуссар Ирыстоны гом акционерон æхсæнад «Акционерон æвæрæн бангы», Республикæ Хуссар Ирыстоны Националон банджы æмæ Республикæ Хуссар Ирыстоны паддзахадон бюджеты раз Хуссар Ирыстоны чысыл æмæ астæуккаг амалиуæгады субъекты хæсджындзинады домæнтæ бæрæг кæныны æмæ сфыссыны уавæртæ æмæ пролонгацийы фæдыл къамис саразыны тыххæй.
Хуыгаты Зæлинæйы хъуыдымæ гæсгæ, ацы къамисы сырæзт у æнæмæнгхъæуæг. «Ацы амалиуæггæнджыты фарс рахæцыны механизм бæрæг кæндзыстæм, дырысæй куы зонæм, кæуыл цасы аргъ зиан æрцыд, уæд», - загъта уый.
Президент банысан кодта, зæгъгæ, къамисы сконды хъуамæ уой ахæм бæрнджын адæймæгтæ, кæцытæ лæм-бынæг æмбарынц амалиуæгады фарстатæ.
Æмбырды рæстæджы ма фидар æрцыдысты иухаттон бафысты æмæ æрвылазон бафысты бæрцтæ сæвæрыны фæткойтæ Хуссар Ирыстоны радиоуылæнты ахсты спектрæй спайда кæныны æмæ ахæм хæрдзтæ бафидыны тыххæй, афтæ ма республи-кæйы радиоуылæнты ахсты спектрæй спайда кæныны тыххæй бæрцты ме-тодикæ.