Nog adres

ХÆЛАРАДОН БÆСТÆЙЫ - ХÆЛАРАДОН ТРАДИЦИТÆ

polischuk.png
ФЕМБÆЛД ЦЫППÆРÆМ ÆФСÆДДОН БАЗÆЙЫ КОМАНДИР МИХАИЛ ПОЛИЩУКИМÆ

Хуссар Ирыстоны Президент Тыбылты Леонид йæхимæ райста Хуссар Ирыстоны дислокацигонд уæрæсæйаг цыппæрæм æфсæддон базæйы ног командир, гвардийы булкон Михаил Полищукы. Фембæлды ма уыдысты Хицауады Сæрдар Хуыгаты Ростик, Хуссар Ирыстоны Уæрæсейы Федерацийы уæлвæткон æмæ æххæстбардджын минæвар Къарджиаты Эльбрус æмæ 4-æм уæрæсейаг æфсæддон базæйы раздæры Командир Александр Шушукин.

Президент банысан кодта, зæгъгæ, цыппæрæм æфсæддон базæйы сырæзтæй бындур æвæрд æрцыд уæрæсейаг æфсæддонтæн бынæттон къухдариуæгадимæ æмæ цæрджытимæ хæларадон æмахастыты хорз традицитæн. «Фидарæй мæ уырны, æмæ ацы традицитæ дарддæр кæндзысты ног командиры æрлæудæй дæр, æмæ йæ разы æвæрд æппæт фарстатæ дæр скъуыддзаг цæудзысты иумиагæй нæ фембæлдтыты рæстæджы», - загъта Тыбылты Леонид.

«Уæрæсейæн ис æппæт бындуртæ уый тыххæй хъуыды кæнынæн, æмæ 4-æм æфсæддон базæ кæй службæ кæны хæларадон бæстæйы. Уæрæсейаг æфсæддонтæм, куыд æнæхъæн Уæрæсемæ, афтæ бынæттон цæрджыты ахаст у позитивон. Хуссар Ирыстоны адæм сæ зæрдыл дарынц 2008 азы августы цауты æмæ бузныг сты уæрæсейаг æфсæддонты уæвынадæй, кæцытæ сты сабырады фактор æмæ стабилондзинады гарант», - йæ рады банысан кодта Хуссар Ирыстоны Уæрæсейы Федерацийы уæлвæткон æмæ æххæстбарджын минæвар.