Nog adres

АФТÆ КУСÆМ...

DSC02020.JPG
Цæмæн нын рауайы фылдæр хатт афтæ æмæ цы хъуыддаг райдайæм, уый кæронмæ нæ фæхæццæ кæнæм? Уый, кæй зæгъын æй хъæуы, фæстаг азты нæм чи райтынг, уыцы арæзтадмæ дæр хауы. Уартæ ма нæ фыццаг президенты рæстæджы Згъуыбиры аразын райдыдтам гидроэлектростанц, гæвзыкк уавæры чи уыдысты, уыцы адæмæй æмбырд кодтой æхца, фæлæ рацæй-рабон æмæ банымæг йæ арæзтад. Æхца æмбырд кодтой кинотеатр «Чермен»-ы сæндидзын кæныны тыххæй, цалдæр хатты йæм æрæвнæлдтой, фæлæ уый дæр нæ æмæ нæ «комы» гом кæнын. Уæдæ цæрæн хæдзæрттæ æмæ æндæр объекттæ саразыны фæстæ цас арæзтадон брæттæ ныууадзынц! Æмæ сæ хæс нæ вæййы сæ аласын, сæ алыварс сын схæрзарæз кæнын? Вæййы, фæлæ сæ уæддæр ныууадзынц.
Ныртæккæ нæ дзырды сæр, нæ горæты астæу, университеты ныхмæ цалдæр азы размæ цы стадион арæзт æрцыд, ууыл у. Уый дæр кæронмæ арæзт нæ фæцис æмæ афтæмæй лæууы. Скæсæнырдыгæй фарс ма бынат цæмæндæр ныууагъдæуыд, цыдæр ма дзы аразынмæ хъавыдысты. Уый бæрæг у уымæй æмæ æмбондæй цалдæр метры æттæдæр бетонæй хæрдмæ хъилæй кæй лæууынц арматурæтæ. Æмбондæй бетоны ‘хсæн цы зæххы уаццаг ис, уый та лæгъз дæр не ‘рцыд æмæ дзы сыджыты, хуыры обаутæ лæзæрынц. Цæсты хауы æмбонд йæхæдæг дæр. Ранæй рæтты йын йæ цæстытæй систой æмæ йыл айтыгътой хуымæтæджы зæронд згъæр хыз. Æмæ афтæ кæдмæ уыдзæнис, уый бæрæг нæу.

Зæгъын ма æмбæлы, стадионæн иннæ фарсæрдыгæй фæзуаты уавæры тыххæй дæр. Кæд бирæ рæстæг нæма рацыд, уæддæр фæзуат цæмæй æмбæрзт уыд, уый хицæн рæтты сызгъæлд, ныскъуыдтæ æмæ пайда кæнынæн нал бæззы...