Nog adres

Цæрæнуаты арæзтад бахæсдзысты инвестпрограммæйы фыццаг этапмæ

Республикæ Хуссар Ирыстоны Хицауады Сæрдар Хуыгаты Ростик Дзæуджыхъæуы фембæлд Цæгат Кавказы Федералон зылды Уæрæсейы Федерацийы Президенты æххæстбарджын минæвар Александр Хлопонин æмæ УФ-йы регионалон рæзты министры хæдивæг Вадим Малининимæ.
Фембæлдтыты, кæцыты ма хайад райстой Хуссар Ирыстоны Экономикон рæзты министр Хуыгаты Залинæ æмæ РХИ-йы Арæзтады министр Зæгъойты Эдуард уынаффæ кодтой РХИ æмæ УФ-йы 'хсæн социалон-экономикон æмгуысткæнынады фæдыл æмархайды Инвестицион программæйы пункт-тыл æмæ Æхсæнхицауадон къамисы рабадтмæ бацæттæ кæныныл.

Сæрмагондæй, уынаффæ кодтой æмæ æркастысты 2014-2015 азтæн Инвестицион программæйы объектты номхыгъды приоритеттæ. Хуссар Ирыстоны Хицауады Сæрдар Хуыгаты Ростикы фæндонмæ гæсгæ, гуырдзиаг агрессийы рæстæджы хъыгдардбаййафæг цæрæ-нуаты арæзтад æмæ æндидзынад ныр бацæудзæн программæйы фыццаг этапмæ.
Инвестицион программæйы ацы пункты тыххæй æх-цайы суммæ ныртæккæ раст цæуы. Ацы здæхты финанс-кæнынады кæройнаг гуырахст фидар æрцæудзæн æхсæнхицауадон къамисы рабадты, кæцы уагъд æрцæудзæн 31-æм октябры Цхинвалы.
РХИ-йы Президенты æмæ Хицауады
пресс-службæ