Nog adres

Хайад райста фестивалы

arvron_1.jpg
Цхинвалы районы администрацийы цур вокалон-инструменталон ансамбль «Арвырон» хайад райста националон культурæты II-æм æхсæн-регионалон фестиваль «Кавказ - наш общий дом»-ы, кæцы уагъд цыд Цæгат Ирыстон-Аланийы.
Фестиваль уагъд цыд 2012-2018 азты федералон нысанон программæ «Культура России»-йы фæлгæтты Уæрæсейы Культурæйы министрады, РЦИ-Аланийы Культурæ æмæ дзыллон коммуникациты министрады æмæ традицион культурæты æмæ энтузиазмы республикон центр «Фарн»-ы æххуысæй.
«Фестиваль цытджын æгъдауæй байгом Металлургты культурæйы галуаны, цыран бавдыст æрцыд Цæгат Кавказы Федералон зылды республикæты декоративон аивады æмæ национ куклæты равдыст. Уый æдтейæ ма, фестивалы программæйы фæлгæтты уагъд æрцыд тымбыл фынг Цæгат Кавказы Федералон зылды национ культурæты рæзты фарстаты фæдыл, æмæ 10-æм октябры та Цæгат Ирыстоны районты уагъд æрцыдысты бæрæгбонон ралæудтытæ (концерттæ) ахæм номимæ «Концерты Дружбы», зæгъгæ», - загътой Культурæйы министрады пресс-службæйы.
Фестиваль фæцис бæрæгбонон гала-концертæй. «Ансамбль «Арвырон»-æн лæвæрд æрцыд фестивалы хайадисæджы диплом, уыдон сæ репертуарæй равдыстой сæ хуыздæр композицитæ. Хуссарирыстойнаг делегацийы сæргълæууыд Хуссар Ирыстоны Культурæйы министры хæди-вæг Гаглойты Ростик», - фехъусын кодтой пресс-службæйы.

Банысан кæнын хъæуы уый дæр, æмæ фестивалы хæслæвæрд кæй уыд Цæгат Кавказы Федералон зылды адæмты бирæнацион культурон бынтæ бахъахъхъæнын æмæ популярон кæнын, Цæгат Кавказы Федералон зылды цæрæг адæмты 'хсæн сфæлдыстадон контакттæ, хæлардаон бастдзинæдтæ æмæ кæрæдзиæмбарынад сфидар æмæ рæзын кæнын. Цæгат Кавказы хуыздæр адæмон традициты æмæ иугонд культурон тыгъдады цæвиттоныл эстетикон æнкъарæнтæ саразын.