Nog adres

Гергиты Валери слæууыд иууыл хъæздыгдæр уæрæсейаг музыкантты ТОП-20-ы сæргъ

gergiev_5.jpg
Мариинаг театры зындгонд дирижер æмæ аивадон къухдариуæггæнæг Гергиты Валери журнал Forbes-ы версимæ гæсгæ, бацахста иууыл хъæздыгдæр уæрæсейаг музыкантты рейтинджы фыццаг рæнхъ, 2012 азы 16,5 милуан доллары бакусгæйæ.
Гергиты Валери у Уæрæсе, Украинæ, Цæгат Ирыстоны адæмон артист, театралон преми «Золотая маска»-йы лауреат, УФ-йы Фæллойы хъайтар. Уый ма у «Евродон»-ы компанийы акциты 15% хицау, кæцы у, Уæрæсейы гогызы фыдызгъæл чи уадзы, уыдонæй иууыл егъаудæр.
Журнал куыд нысан кæны, уымæ гæсгæ классикон музыкæйы минæварæн йæ æфтиæгты æмвæзадмæ гæсгæ, уæрæсейаг стъалыты разæй кæй фæци, уый у фыццаг хатт.

ТОП-20-ы дыккаг бынат фæцис Григори Лепсы, кæцыйы альбом «Пенсне» 2011 азы Уæрæсейы ссис, иууыл тынгдæр кæй æлхæдтой, ахæм. Уый æрмæстдæр иу чысыл фæстейæ аззад Гергиты Валерийæ æмæ бакуыста 15 милуан доллары. Æртыккаг бынат та бацахста Стас Михайлов, кæцыйæн йæ æфтиæгтæ уыдысты 9,8 милуан доллары.
Иууыл хъæздыгдæрты номхыгъдмæ ма бахаудтой Филипп Киркоров, Уæрæсейы «сыгъзæрин хъæлæс» Николай Басков, Валерия, Олег Газманов, Дима Билан æмæ æндæр зындгонд адæймæгтæ.