Nog adres

Парламенты/ ЗАКЪОНЫ ПРОЕКТ ДОМЫ УÆЛÆМХАС КУЫСТ

parlament_5.jpg
17-æм июлы уыд РХИ-йы Парламенты æвдæм сессийы фарастæм рабадт. Рабадт уагъта Парламенты Сæрдар Коцты Станислав.
Закъондæттынад, закъондзинад æмæ бынæттон хæдразамынды фæдыл комитет уынаффæмæ рахаста «Фæндаджы змæлды уагæвæрдтæ фехалыны тыххæй административон æмæ уголовон бæрндзинады тыххæй» Закъоны проект, фæлæ уый боны фæткæй ист æрцыд æххæстгæнæг хицауиуæгады органтимæ йыл уæлæмхас уынаффæ кæй хъæуы, уымæ гæсгæ. Парламенты Сæрдар Коцты Станислав зæрдыл æрлæууын кодта, зæгъгæ, ацы фарстмæ æркастысты 16-æм июлы Президиумы рабадты, фæлæ уынаффæйы рæстæджы депутаттæ иу хъуыдымæ не 'рцыдысты.
Ацы комитет ма уынаффæмæ рахаста комитеты скондмæ депутат Бæззаты Иналы æрбакæныны тыххæй фарста дæр, уымæн æмæ комитеты раздæры уæнг Цгъойты Мераб нысан æрцыд РХИ-йы Генералон прокурорæй. Депутаттæ æмхъæлæсæй схъæлæс кодтой æрбавдисгæ кандидатурæйы тыххæй.

Хуссар Ирыстоны Парламент 22-æм июлæй уыдзæн сæрдыгон улæфты, кæцы аххæсдзысты 16-æм сентябры онг. Ацы фарстайыл дæр уынаффæ цыд 17-æм июлы республикæйы закъондæттынадон органы уалдзыгон сессийы фæстаг рабадты. «РХИ-йы Парламенты депутаттæн сæрдыгон улæфты тыххæй» Уынаффæйы фæдыл депутаттæ схъæлæс кодтой иууылдæр. Парламенты Сæрдар Коцты Станислав куыд банысан кодта, уымæ гæсгæ улæфты рæстæджы куы бахъæуа, уæд депутатон корпус йæ куыст адарддæр кæндзæн.
«Августы райдианы мах æрæмбырд уыдзыстæм æнæрадон рабадтмæ 2008 азы августы Гуырдзыстоны архайдтытæн политикон-барадон аргъ скæныны фарстыл æруынаффæ кæныны тыххæй. Уый у махæн тынг ахсджиаг фарста, фæлæ ацы куыст ныффæстиат æмæ кæронмæ нæ фæци Закъондзинад, закъондæттынад æмæ бынæттон хæдразамынды парламентон комитеты аххосæй.
Уый æдтейæ ма, уыцы рабадты план кæнынц 2013 азæн бюджет сæххæст кæныны тыххæй хыгъд радтыныл æруынаффæ кæнын.
Парламенты куысты хайад райстой РХИ-йы Мидхъуыддæгты министры хæдивæг Кокойты Тарзан, Парламенты РХИ-йы Президенты æххæстбарджын минæвар Уалыты Александр, Парламенты РХИ-йы Хицауады æххæстбарджын минæвар Дзуццаты Мурат.
РХИ-йы Парламенты
информацион-аналитикон центр