Nog adres

«Саакашвилийæн тæссаг у Хусейны хъысмæт сфæлхат кæнынæй"

935823_524243814297660_1876003780_n.jpg
Молдавийы столицæ Кишиневы 11 июлы ауагъдæуыд протесты акци Молдавимæ Гуырдзыстоны президент Михаил Саакашвилийы визиты тыххæй, кæцы Кишиневмæ æрцыд «Восточное партнерство»-йы паддзахадты сæргълæуджыты - Европæйаг адæмон партийы уæнгты саммиты хайад райсыны тыххæй. ИА REGNUM-ы уацхæссæг куыд фехъусын кодта, афтæмæй митинджы Республикæйы Галуаны цур, цыран уагъд цыд форум, хайад райстой 100-йы бæрц адæймаджы - Молдавийы Уырыссаг фæсивæды лигæйы фарсхæцджытæ, парти «Патриоты Молдовы» æмæ Социал-демократон партийы уæнгтæ.
«Мах катайы æппары Гуырдзыстоны президент Михаил Саакашвилийы æрцыд, кæцыимæ ассоциаци кæны мин сабыр цæрджыты мæлæт! - Акцийы рæстæджы фехъусын кодта Уырыссаг фæсивæды лигæйы сæрдар Игорь Тулянцев. - НАТО æмæ Америкæйы Иугонд Штатты æргом марионеткæ æрцыд нæ бæстæмæ, цæмæй хæца ныры хицауиуæггæнæг коалицийы лидерты хæлæфтыл!

Фæлæ, афтæхуыйнæг, Молдавийы политикон элитæ, ферох кодта, ацы фыдгæнæгæн цъус фæстæ кæй фæуыдзæн йæ президентон мандат, æмæ йын тæссаг кæй у, Хусейны хъысмæт уый дæр куы сфæлхат кæна, уымæй! Уымæн æмæ Гуырдзыстон, Ирыстон, Абхаз, Уæрæсейы адæмты зæрдыл лæууынц фондз азы размæйы æвирхъау цаутæ! Молдавимæ Саакашвилийы балц æхси-дын кæны нæ бирæнацион райгуырæн бæстæйы, æмæ мæн уырны, ацы натойаг хъæрццыгъа æрцыд Вашингтоны обкомы бахæсмæ гæсгæ хæстон развæдсгæрсты ны-санæн. Нæ ныгуылæйнаг партнерты æгæр тынг цымыдис кæны «европæйаг æххуыс» адих кæныны сæ хай æмæ Днестрыл æндыгъд уавæр!».
Парти "Патриоты Молдовы"-йы сæрдар Михаил Гарбуз йæ рады фехъусын кодта: «1992 азы Мирча Снегур æхсын райдыдта Приднестровьейы, уымæй хæст райдыдта йæхи бæстæйы ныхмæ. Михаил Саакашвили дæр 2008 азы афтæ бакодта. Мах нæ фæнды уыцы азты истори сфæлхат кæнын».
«Мах курæм Саакашвилийы бафхæрын, йæ фашистон архайдтыты тыххæй, Хуссар Ирыстоны сабыр цæрджыты геноциды тыххæй æмæ йе ‘нæуаг ахасты тыххæй, кæцы не 'мбæлы паддзахады сæргълæууæгыл», - йæ рады фехъусын кодта Социал-демократон партийы генералон нымæрдар Сергей Коропчану.
Митинггæнджытæ хъæр кодтой лозунгтæ «Позор!», «Саакашвили - на нары!». Акцийы хайадисджытæ дæр загътой сæ хъуыды, зæгъгæ, «Восточное партнерство», кæцыйы саммиты хайад райсыны тыххæй Молдавимæ æрцыд Саакашвили, у «Молдавийы НАТО-мæ, Америкæйы Иугонд Штаттæн пайдайæн экспансионистон политикæ уадзæг хæстон-политикон блокмæ баввахс кæныны фæндагыл къахдзæфтæй иу».
Уыдон ма æрсидтысты молдаваг хицауиуæгадмæ, цæмæй Михаил Саакашвилийы банымайой нон-граты персонæйыл Молдавийы кæнæ йæ æрцахсой республикæйы территорийыл æмæ йыл стæрхон кæной дунеон барады принциптæм гæсгæ.
«Восточное партнерство»-йы паддзахадты сæргълæуджыты - Европæйаг адæмон партийы уæнгты саммиты хайад райсыны тыххæй 11 июлы Кишиневмæ æрцыдысты Европæйаг адæмон партийы сæрдар Вильфред Мартенс, афтæ ма Сомихстоны президент Серж Саргсян.