Nog adres

Бастдзинад — адæмы иугæнæг

svias.pngХуссар Ирыстоны Президент Тыбылты Леонид йæхимæ райста Уæрæсейы Федерацийы бастдзинады министрады минæвæртты — Уæрæсейы Бастдзинад æмæ дзыллон коммуникациты министры хæдивæг Алексей Волин æмæ УФ-йы Бастдзинады министрад æмæ дзыллон коммуникациты дунеон æмкуысткæнынады департаменты директоры хæдивæг Мария Казанскаяйы, кæцытæ Хуссар Ирыстоны уыдысты кусæгон балцы. Фембæлды дзырд цыд Хуссар Ирыстоны бастдзинады системæйы рæзты фарстатыл.
Фембæлды уыдысты Хицауады Сæрдары хæдивæг Гурам Мелкоев æмæ РХИ-йы Бастдзинад æмæ дзыллон коммуникациты комитеты сæрдар Тыбылты Инал.
Тыбылты Леонид раарфæ кодта уазджытæн æмæ сын загъта бузныджы ныхæстæ, республикæйы бастдзинады рæзты фарстаты активон хайад кæй исынц, уый тыххæй.
«Республикæйы къухдариуæгады раз бирæ хæслæвæрдтæ ис, кæцытæ æнтыстджынæй реализаци цæуынц Уæрæсейы æххуысæй, фæлæ уымæ нæ кæсгæйæ, мах хъуамæ цæуæм размæ æмæ активонæй пайда кæнæм нæ-хи сæрмагонд ресурстæй», — банысан кодта Тыбылты Леонид.
Министры хæдивæг Алексей Волин йæ рады республикæйы сæргълæууæджы базонгæ кодта, Хуссар Ирыс-тоны уæвыны рæстæджы цы куыст бакодтой, уыимæ.
«Нæ разы цы хæслæвæрдтæ ис, уыдон сты перспективон — Хуссар Ирыстоны нымæцон телеалæвæрдты хы-зæг райтынг кæнын. Мах уыдыстæм республикæйы алы рæтты, бабæрæг кодтам бастдзинады объектты, федтам, бастдзинады сигналдæттæг станцтæ æмæ мæсгуытæ цы уавæры сты, уый, цæмæй базонæм, цы уæлæмхас куыстытæ ма нæ хъæуы бакæнын», — загъта Волин.
Уый банысан кодта, зæгъгæ, хуссарирыстойнаг коллегæтимæ иумæ æнтыстджынæй кусынц Хуссар Ирыстоны бастдзинады рæзты комплексон программæ бацæттæ кæныныл.