Nog adres

Фосдарджыты куысты бæрæггæнæнтæ

Фæстиуджытæ арæзт æрцыд, Цхинвалы районы фермерон хæдзарадтæ фосдарды къабазы цы куыст бакодтой, уыдонæн. Районы статистикон хайады зонæнтæй куыд бæрæг у, афтæмæй хæдзарадтæм æдæппæт стуртæ нымадæуы 450, уыцы нымæцы хъуццытæ 169. «Æфсати»-йы хæдзарады æнтыстыты тыххæй амæйразмæ фыста нæ газет. Зæрдæрухсгæнæн фæстиуджытæ сæ къухты æфты «Арцеу»-ы хæдзарадæн, уыдонмæ стуртæ иууыл иумæ ис 102, уыцы нымæцы хъуццытæ та сты 27. Йæ куысты æнтыстытæм гæсгæ дыккаг бынат ахсы фермерон хæдзарад «Алан» — æмткæй сæм стуртæ ис 60 æмæ хъуццытæ та 20. Стурты нымæцмæ гæсгæ æртыккаг бынаты цæуы «Цъунар» ам та стурты нымæц хæццæ кæны 33, уыцы нымæцы 15 хъуджы.
Хъуццытæй æдæппæт уал родтæ райстой 105, уыцы нымæцы «Арцеу»-ы — 26, «Алан»-ы — 20, «Виктория»-йы — 10, «Радуга» æмæ «Цъунар»-ы фæйнæ 7, «Сослан»-ы 6.
Æхсырдыгъды бæрæггæнæнтæ хæдзарадты ‘хсæн сты афтæ: «Арцеу»-ы æрдыгътой 72 центнеры. «Сæуæхсид» — 60 ц, «Алан» — 50 ц, «Виктория» — 20 ц. Иуæй-иу хæдзарадтæ ма кæнынц фосдарды æндæр къабæзты куыст дæр. «Руслан»-мæ ис 16 хуыйы, «Виктория»-мæ — 12 æмæ «Сæуæхæсид»-мæ та 6. «Алан»-ы фосдарджытæ дарынц 150 фыс æмæ сæгъы, «Сослан»-ы та — 8. Мыддарды куыст та кæнынц ахæм хæдзарадтæ: «Хацар», «Махис», «Фарн», «Валентинæ», «Сласть», «МВБ», «Мыд», «Гром».
ХУЫБИАТЫ Н.