Nog adres

27 июнь - фæсивæды дунеон бон/ Арфæ фæсивæдæн

mol.jpg
Зынаргъ хæлæрттæ!
Зæрдæбын арфæ уын кæнын æвзонгдзинады, оптимизм æмæ рухс фидæнæй ныфсыты бæрæгбон - Фæсивæды боны цытæн.
Æвзонгдзинад у адæймаджы царды диссаджы рæстæг. Æвзонгдзинады тыххæй цаутæ æмæ мысинæгтæ немæ баззайынц æнæхъæн царды дæргъы. Уый у вазыгджын, фæлæ тынг цымыдисон рæстæг адæймагæн, фидæны фæндаг агурыны æмæ равзарыны рæстæг, зонындзинæдтæ æмæ фæлтæрддзинад райсыны рæстæг, æхсæнады, куыд хъæуæг адæймаг, афтæ æххæстæй хи среализаци кæныны гæнæн. Кæй зæгъын æй хъæуы, нæ разы лæууы бирæ æнæаскъуыддзагонд проблемæтæ æмæ махæн тынг ахсджиаг паддзахадон хæслæвæрд у цыбырдæр æмгъуыдты уыдоны сæрты ахизыны тыххæй фæндаг ссарын. Æмæ ам дæр раззагон планы ис Фæсивæдон политикæйы фæдыл комитеты куыст, кæцы хъуамæ спайда кæна уæлдай активондæр, хъаруджындæр æмæ инициативондæр æвзонг адæймæгты æппæт потенциалæй дæр, куыстмæ æрбакæнын хъæуы фæсивæдæй уæлдай курдиатджындæрты, сæ разы сын æвæрын хъæуы ног цымыдисон проекттæ, уыдонæн сæ алыварс хъуамæ æрбангом уа фæсивæд.

Нæхи 'рдыгæй мах цæттæ стæм фæсивæдæн закъондæттынадон æмвæзадыл æнæмæнгхъæуæг æххуыс бакæнынмæ, цæмæй ног, цымыдисон инициативæтæ æнтыстджынæй сæххæст уой, уый тыххæй. Ацы бæрæгбон нын ноджы у иу æфсон, цæмæй паддзахад æмæ æхсæнад æмбæ-лон хъусдард аздахой нæ фæсивæды проблемæтæм, нæ бæстæйы фидæнмæ. Уымæн æмæ сымах хъуамæ адарддæр кæнат паддзахадон арæзтад, Хуссар Ирыстоны фестын кæнат дидинæфтауæг къуым. Ам æнтысты нысан суыдзысты æвзонгдзинады миниуæгон нысанмæздæхтдзинад æмæ активон цардуагон позици.
Ноджы дæр уын арфæ кæнын диссаджы бæрæгбон - Фæсивæды боны цытæн! Мæ зæрдæ зæгъы æвзонг лæппутæ æмæ чызджытæн уарзондзинад æмæ хæлардзинад, энерги æмæ оптимизм, царды уæ фæндæтты æмæ тырнындзинæдты сæххæст.
Республикæ Хуссар Ирыстоны
Парламенты Сæрдар КОЦТЫ Станислав