Nog adres

Санкт-Петербурджы форум йæ куыст фæцис

forum_6.jpg
Йæ куыст фæцис Санкт-Петербурджы XVII Дунеон экономикон форум. Форумы рæстæджы Хуссар Ирыстоны делегацийæн хъуыддагон фембæлдтытæ уыд павильонты уæрæсейаг компанитимæ. Уый тыххæй фехъусын кодта Уæрæсейы Федерацийы Хуссар Ирыстоны пресс-службæ.

Хуссар Ирыстоны экономикон райрæзты министр Хуыгаты Зæлинæ фембæлд Уæрæсейы Регионалон райрæзты министр Игорь Слюняевимæ, Калугæйы областы губернатор А. Артамоновимæ, афтæ ма уæрæсейаг бизнесы æмæхсæнады минæвæрттимæ. Фембæлдтыты дзырд цыд дыууæфарсон æмгуысткæнынады фарстатыл æмæ инвестицион политикæйы райрæзты гæнæнуæвæг фадæттыл.

21 июны Хуссар Ирыстоны делегаци уыд цалдæр дискуссион фæзуæтты, цыран дунеон эксперттимæ уынаффæ цыд дунеон экономикæйы райрæзты фарстатыл.