Nog adres

Америкæйæ Уæрæсемæ - хуссарирыстойнаг паспортимæ

mestas.jpg
Хуссар Ирыстоны æмбæстаджы паспортæн фыццаг хатт нæ республикæйы хæдбардзинад банымайыны фæстæ лæвæрд æрцыд бар трансатлантикон балцæн. Америкæйы Иугонд Штаттæй Уæрæсейы Федерацимæ æрцыд РХИ-йы æмбæстаг Джо Местас, кæцыйæн нæй уæрæсейаг æмбæстагдзинад.

Джо Местас куыд фехъусын кодта, уымæ гæсгæ АИШ-æй УФ-мæ хуссарирыстойнаг паспортæй æрцæуын хуымæтæг нæ уыд.

«АИШ-ы дæр æмæ Уæрæсейы дæр арæнгæрон службæты бахъуыд бирæсахатон консультацитæ, цæмæй аскъуыддзаг кодтаиккой, ауадзой мæ æви нæ, уый. Æмæ æппынфæстагмæ ист æрцыд æвæрццаг уынаффæ», - радзырдта уый.

Джо Местас у АИШ-ы æмæ РХИ-йы æмбæстаг дæр. Йæ цардæмбал у Дзауы районæй, 2008 азы августы Гуырдзыстон Хуссар Ирыстонмæ куы æрбабырста, уæд уый йæ чысыл чызгимæ уыд гуырдзиаг хæстон авиаци бомбæтæ кæм калдтой, уыцы зонæйы æмæ диссаджы ирвæзт акодтой. Джо Местас бакодта стыр куыст, цæмæй АИШ-ы æхсæнад базона рæстдзинад уыцы трагикон цауты тыххæй.