Nog adres

Хуссар Ирыстоны Парламент ссис Цæгат-Кавказаг Парламентон Ассоциацийы уæнг

DSC01727.JPG
18 июны Дагъыстаны Республикæйы сæйраг горæт Махачкалайы ауагъдæуыд Цæгат-Кавказаг Парламентон Ассоциацийы V Конференци, цыран хайад райста Хуссар Ирыстоны Парламенты делегаци дæр, вице-спикер Дзиццойты Юрийы сæргълæудæй.

Конференцийы боны фæткы фарстаты 'хсæн уыд Ассоциацимæ Хуссар Ирыстоны Парламенты айсын.
Конференцийы хайадисджытæ ивындзи-нæдтæ бахастой Цæгат-Кавказаг Парламентон Ассоциацийы Устав æмæ Регламентмæ, йе скондмæ сæ бафтауыны фадатмæ хауæг Уæрæсейы Федерацийы субъектты арæн-гæрон паддзахадты парламенттæ æмæ ассоциацион уæнджы хуызы.

Уыдон æмхъæлæсæй аскъуыддзаг кодтой Хуссар Ирыстоны Парламенты Цæгат-Кавказаг Парламентон Ассоциацимæ айсын, ассоциацион уæнджы хуызы.

Бæрæг куыд у, афтæмæй 2013 азы 14 июны Хуссар Ирыстоны Парламент райста уынаффæ Цæгат-Кавказаг Парламентон Ассоциаци саразыны тыххæй Бадзырдмæ баиу уæвыны тыххæй, йе скондмæ ассоциа-цион уæнджы хуызы бацæуынмæ, йæ цæттæдзинад равдисгæйæ.