Nog adres

Владимир Путин: УÆРÆСЕЙЫ ПОЗИЦИ, КÆЦЫ БАНЫМАДТА АБХАЗ ÆМÆ ХУССАР ИРЫСТОНЫ, У ÆНÆАИВГÆ

pytin.jpg
Уæрæсейы Президент Владимир Путин фехъусын кодта, зæгъгæ, 2008 азы августы хæсты тыххæй бæрндзинад хæссы гуырдзиаг паддзахады ныры президент Михаил Саакашвили, æмæ Уæрæсе нæ аивдзæн йæ позици Абхаз æмæ Хуссар Ирыстоны хæдбардзинад банымайыны тыххæй.
«Æз нымайын афтæ, æмæ Гуырдзыстоны архайæг президент æруагъта стыр рæдыд… æмæ хъуыды кæнын йæ рæдыдыл кæй басæтдзæн. Æз ын дзырдтон: «Михаил Никъалайы фырт, цыфæнды дæр гæнæн ис, æрмæст хъуыддаг тугкалды онг ма бахæццæ кæнут… Фæлæ алцыдæр, хъыгагæн фæцис хæстæй», - фехъусын кодта Владимир Путин дыццæджы уæрæсейаг англисаг æвзагыл телеканал Russia Today-ы редакциимæ фембæлды рæстæджы.

Йæ ныхæстæм гæсгæ, уымæн дзуаппæн цыдис - «Уæрæсе сарæзта уыцы къахдзæф, кæцы æркодта Хуссар Ирыстон æмæ Абхазы хæдбардзинад банымайынмæ».
«Фæстæмæ къахдзæф саразыныл хъуыдыгæнæн дæр нæй», - фехъусын кодта В.Путин.