Nog adres

РУЧЪЫ ТЪУНЕЛЫ АРÆЗТАД ФÆУЫДЗÆН ÆМГЪУЫДÆЙ РАЗДÆР

1368866926_0_aa4fe_f5161dfb_xl.jpg
Æрæджы Цæгат Ирыстонмæ кусæгон балцы æрцыд Уæрæсейы Федерацийы транспорты министр Максим Соколов. Уый цæгаттаг коллегæтимæ иумæ бабæрæг кодта тъунелы 700 метры дæрддзæгæн арæзтад.
Максим Соколовæн куыд радзырдтой, уымæ гæсгæ, ацы тъоннелы уынгты курортон зонæ «Мамысон»-мæ ласдзысты уæззау уæзтæ инфраструктурон объекттæ аразынæн. Фæлæ специалистты нымадмæ гæсгæ тъунел арæзт у 1989 азы проектмæ гæсгæ, моралон æгъдауæй у зæронд æмæ дзуапп нæ дæтты æдасдзинады нырыккон домæнтæн æмæ транспорты цыдæн. Цæгатирыстойнаг аразджытæ «Мамысон»-мæ ног фæндагарæзтады фæдыл бавдыстой æртæ варианты: фыццаг - хид саразын, кæцы иу кæндзæн Транскавказы магистраль Дæллаг Зæрæмæгæй Мамысонмæ фæндаг. Фæндон ма бахастæуыд ног тъунел саразын. 1-аг æмæ 2-аг варианттæ аразынæн бахъæудзæн 5-6 азы, æмæ Мамысонмæ фæндаг та хъæуы раздæр.

Уый фæстиуæгæн УФ-йы транспорты министр фæндон бахаста цæмæй зæронд 700 метры дæрддзæгæн тъунел реконструкци æрцæуа.
«Ног хид саразын у зынаргъ уынаффæ, республикæйы та хъæуы аразын æндæр ахсджиаг объекттæ. Уымæ гæсгæ егъау финансон хæрдзтæ кæнын раст нæу», - банысан кодта уый.
Максим Соколовы хъуыдыйы фарс рахæцыд Цæгат Ирыстоны Хицауады Сæрдар Тæкъойты Сергей. Уый банысан кодта, зæгъгæ, цы фæндаг арæзт цæуы, уый у курорт «Мамысон»-мæ иунæг транспортон фæндаг, уымæ гæсгæ йæ хъæуы фæуæрæхдæр кæнын, цæмæй дзуапп дæтта æппæт стандарттæн.
Ручъы тъунелы реконструкцийыл дзургæйæ, кæцыйы дæрддзæг у 3700 метры, Соколов фехъусын кодта, куыстыты сæйраг хай ныридæгæн баконд кæй æрцыд æмæ разыйæ баззад сæ темптæй.
«Квалификациджын специалистты куысты руаджы объект лæвæрд æрцæудзæн нысангонд æмгъуыдмæ», - банысан кодта министр.
Планмæ гæсгæ куыстытæ хъуамæ фæуой 2015 азы октябры мæйы, фæлæ министрæн куыд баныфс æвæрдтой, уымæ гæсгæ аразджытæ куыст фæуыдзысты фидæн азы ноябры.