Nog adres

«СОМБОН»-Ы МИНÆВÆРТТÆ ЦÆГАТ ИРЫСТОНЫ

sombon.jpg
Хуссар Ирыстоны фæсивæды æхсæнадон организаци «Сомбон» хайад райста, Дзæуджыхъæуы пионерон организацийыл 91 азы кæй сæххæст, уый цытæн арæзт цытджын мадзалы. Организацийы къухдариуæггæ-нæг Джиоты Роман куыд фехъусын кодта, уымæ гæсгæ, Дзæуджыхъæуы, Фæсивæдон парчы ахуырдзаутæ ист æрцыдысты Цæгат Ирыстон-Аланийы пионерон организацимæ. Уый ма банысан кодта, зæгъгæ ма, пионертæ ссардтой уыцы хæстонты нæмттæ дæр, кæцытæ сæ сæртæ радтой райгуырæн бæстæйы сæрыл фашизмы ныхмæ тохы.

«Пионертæ дидингуытæ сæвæрдтой, чи фæмард, уыцы фæскомцæдисонты цырты раз», - загъта Джиоты Ро-ман.

Цытджын мадзал сорганизаци кодта Цæгат Ирыстоны Пионерты æмæ хистæр кары сывæллæтты цæдис. Бæ-рæгбоны историйы райдианыл нымад у 1922 азы 19 май, Фæскомцæдисонты II уæрæсейон конференцийы пионерон дружинæтæ саразыны тыххæй уынаффæ куы рахастой, уæд.

Ныртæккæ Цæгат Ирыстоны Пионерон организацийы ис 20 минæй фылдæр ахуырдзауы. Хуссар Ирыстоны та - 150.