Nog adres

Литературон изæр сатихъары хъæуы

kniga_4.jpg
Ивгъуыд къуырийы нæ республикæйы алы рæтты дæр нысан кодтой Ирон æвзаг æмæ литературæйы бон. Цхинвалы районы Сатихъары хъæуы арæзт æрцыд литературон изæр Ирон æвзаг æмæ литературæйы боны цытæн. Мадзалы хайад райстой районы скъолаты ахуыргæнджытæ æмæ ахуыргæнинæгтæ.

«Мадзалы программæ рауад тынг хорз, скъоладзаутæ аив, рæсугъд кастысты ирон поэтты æмдзæвгæтæ, уый фæстæ сорганизаци кодтой концерт. Арæхдæр хъуамæ цæуиккой арæзт ахæм мадзæлттæ, цæмæй ахуырдзаутæм æвзæрын кæна уарзондзинад, цымыдисондзинад мадæлон æвзагмæ, мадæлон культурæмæ,» - загъта районы ахуырады хайады методикон кабинеты гæс Алик Шахпоронов.

Уый ма банысан кодта, зæгъгæ, мадзалы хайадисджытæн зæрдылдарæн лæвæрттæ бакодта Цхинвалы районы администрацийы ахуырады хайад.