Nog adres

Арфæтæ

x_9dc31f75.jpg
РЕСПУБЛИКÆ ЦÆГАТ
ИРЫСТОН-АЛАНИЙЫ СÆРГЪЛÆУУÆГ
МАМСЫРАТЫ ТАЙМУРАЗМÆ

Цытджын Таймураз Дзамбеджы фырт!
Зæрдæбынæй арфæ кæнын дæуæн æмæ Цæгат Ирыстоны æппæт æфсымæрон адæмæн Стыр Фыдыбæстæйон хæсты Уæлахизы 68 азы сæраппонд.
Махæн иууылдæр 9 май у иууыл рухсдæр æмæ цины бонтæй сæ иу. Ацы бæрæгбон ссис иумæйаг нысан - агрессийыл фæуæлахизы тыххæй æппæтадæмон мысынады, бирæнацион бæстæйы сæрыстырдзинад æмæ æнгом-дзинады символ. Ацы бæрæгбоны мах нæ сæртæ ныллæг къул кæнæм хæсты ветерантæ æмæ фæсчъылдымы фæллойгæджыты хъæбатырдзинады раз, мысæм, сæ цард Райгуырæн бæстæйы сæрибардзинад æмæ рухс фидæны сæраппонд чи радтой, æппæт уыдоны. Се сгуыхтдзинад æнустæм баззайдзæнис нæ фæстагæтты зæрдæты.

Ацы рæсугъд бæрæгбон, зынаргъ Таймураз Дзамбеджы фырт дæуæн, Стыр Фыдыбæстæйон хæсты ветарнтæн æмæ Цæгат Ирыстоны æппæт æфсымæрон адæмæн мæ цæст уарзы фидар æнæниздзинад, сабырад, хæрзиуæг, стабилондзинад æмæ дидинрафтыд.
Республикæ Хуссар Ирыстоны
Президент Тыбылты Леонид

ЙÆ БÆРЗОНДДЗИНАД РЕСПУБЛИКÆ АБХАЗЫ ПРЕЗИДЕНТ АЛЕКСАНДР ЗОЛОТИНСКЫ ФЫРТ АНКВАБМÆ
Цытджын Александр Золотинскы фырт!
Республикæ Хуссар Ирыстоны адæмы æмæ мæхи номæй дæумæ æрвитын иууыл зæрдæбындæр арфæтæ Стыр Фыдыбæстæйон хæсты Уæлахизы 68 азы сæраппонд.
9 майы бæрæгбон сæрмагон бынат ахсы махæй алкæйы царды дæр. Ацы бон мах кад кæнæм раззаг рæхъыты хъайтаронæй чи тох кодтой, патриотизм æмæ хъæбатырдзинады, ныфсхастдзинад æмæ лæгдзинады цæвиттон чи ссисты, уыцы ветерантæн, кад кæнæм æмæ мысæм, Стыр Уæлахизы бонмæ чи нæ фæцардысты, уыдонæн.
Уырны мæ, Стыр Фыдыбæстæйон хæсты азты фæлварæнтыл чи рацыд, нæ адæмты 'хсæн уыцы хæлардзинад кæй суыдзæн фидар бындур Хуссар Ирыстон æмæ Абхазы 'хсæн хæларадон ахастытæ фидар кæнын æмæ рæзтæн.
Ацы рухс бæрæгбон зæрдæбынæй дæуæн, Стыр Фыдыбæстæйон хæсты ветерантæн, æмæ Республикæ Абхазы æппæт æфсымæрон адæмæн, мæ цæст уарзы фидар æнæниздзинад, сабыр арв æмæ фæрныгад.
Республикæ Хуссар Ирыстоны
Президент Тыбылты Леонид

ЙÆ БÆРЗОНДДЗИНАД ХÆХХОН КЪАРАБАХЫ РЕСПУБЛИКÆЙЫ ПРЕЗИДЕНТ БАКО СААКЯНМÆ
Дæ бæрзонддзинад!
Республикæ Хуссар Ирыстоны разамынады, адæмы, æмæ мæхи номæй зæрдæбынæй арфæ кæнын дæуæн Стыр Уæлахизы боны цытæн.
Махæй алкæмæн дæр 9 май у иууыл рухсдæр æмæ зынаргъдæр бонтæй сæ иу. Ацы æвæджиауы зæрдылдарæн бон ссис æппæтадæмон сæрыстырдзинады æмæ мысынады, лæгдзинады æмæ стыр хъæбатырдзинады символ.
Абон мах кад кæнæм Стыр Фыдыбæстæйон хæсты ветерантæн æмæ æппæт уыдонæн, кæ-цытæ æвæллайгæйæ фæллой кодтой фæсчъылдым, нæ сæртæ ныллæг къул кæнæм, Стыр Уæлахизы бонмæ чи нæ фæцардысты, уыдоны рухс нæмтты раз.
Уырны мæ, хæсты азты чи сфæлтæрдта, уыцы æфсымæрдзинад кæй у фидар бындур нæ бæстæты 'хсæн хæларадон ахастытæ фидар кæнын æмæ рæзтæн.
Ацы уалдзыгон бæрæгбоны, зынаргъ Бако Саакы фырт, дæуæн, Стыр Фыдыбæстæйон хæсты ветерантæн æмæ Хæххон Къарабахы æппæт хæларадон адæмæн мæ цæст уарзы фидар æнæниздзинад, сабыр арв æмæ дидинрафтыд.
Республикæ Хуссар Ирыстоны
Президент Тыбылты Леонид

ЙÆ БÆРЗОНДДЗИНАД ПРЕДНИСТРОВАГ МОЛДОВАГ РЕСПУБЛИКÆЙЫ ПРЕЗИДЕНТ ЕВГЕНИЙ ШЕВЧУКМÆ
Цытджын Евгений Василийы фырт!

Республикæ Хуссар Ирыстоны адæмы æмæ мæхи номæй айс зæрдæбын арфæтæ Стыр Фыдыбæстæйон хæсты советон адæмы фæуæлахизы 68 азы сæраппонд.
Стыр Уæлахизы бон у ахæм бæрæгбон, кæцы æвдисæн у бирæнацион бæстæйы сгуыхтдзинад, хъæбатырдзинад æмæ хъайтардзинад, махæй алкæмæн дæр у æууæн-дыны, æмæ Фыдыбæстæйы тыххæй адæмон иудзинады символ.
Советон адæмы хъайтардзинад, кæцыйы равдыстой Стыр Фыдбæстæйон хæсты уæззау азты, æнустæм баззайдзæнис нæ зæрдæты, уыдзæнис нын лæгдзинады, хъæбатырдзинады æмæ адæмты хæлардзинады цæвиттон.
Уырны мæ, нæ бæстæты 'хсæн хæлардзинад, кæцы рацыдис уæззау фæлварæнтæ Стыр Фыдыбæстæйон хæсты азты, у фидар бындур Хуссар Ирыстон æмæ Приднестроваг Молдоваг Республикæйы 'хсæн хæларадон ахастыты дарддæры рæзтæн.
Ацы уалдзыгон бæрæбоны, зынаргъ Евгений Василийы фырт, дæуæн, Стыр Фыды-бæстæйон хæсты ветерантæн, Приднестровьейы æппæт хæларадон адæмæн мæ цæст уарзы фидар æнæниздзинад, фæрныгад æмæ сабыр цард.
Республикæ Хуссар Ирыстоны
Президент Тыбылты Леонид

Цытджын ветерантæ!
Республикæ Хуссар Ирыстоны Ветеранты советы президиум сыгъдæгзæрдæйæ арфæ кæны 1941-1945 азты Стыр Фыдыбæстæйон хæсты хайадисджытæн Стыр бæрæгбон - 9-æм майы Уæлахизы цытæн.
Мах стæм уæ разы стыр хæсджын. Уæ ныфс æмæ уды тых æнустæм баззайдзысты патриотизм, хæрзæгъдаудзинад æмæ уæ хæсыл æнувыддзинады уæлдæр барæнæй.
Нæ сæртæй уын ныллæг кувæм. Нæ зæрдæ уын зæгъы фидар æнæниздзинад, æвидигæ цардуагон тых, уæ бинонты æмæ æввахс хи-уæтты хъармдзинад æмæ аудындзинад.
РХИ-йы Ветеранты советы сæрдар БЕСАТЫ Х.

Республикæ Хуссар Ирыстоны
Президент Тыбылты Леонидмæ

Цытджын Леонид Харитоны фырт,
Приднестроваг Молдаваг Республикæйы Уæлдæр Советы номæй дын арфæ кæнæм Уæлахизы боны цытæн.
9-æм май æцæгæйдæр сси æппæтадæмон бæрæгбон, уыцы тæссаг хæсты чи бафæрæзта æппæт уыдоны æфсымæрон æмæ фæллойадон хъæбатырдзинады тыххæй мысынады бон. Уæззау сæфтытæ æмæ карз фæлварæнты аргъæй равдыста æмбæстагон иудзинады тых æмæ æрурæдта нацистон агресси.
Ацы бæрæгбонон боны дын мæ зæрдæ зæгъы фидар æнæниздзинад, сабырдзинад æмæ царды æппæт хæрзиуджытæ.
Цытимæ,
Приднестроваг Молдаваг
Республикæйы
Уæлдæр Советы Сæрдар П.Бурла