Nog adres

Цалцæг кæнынц дæрддаг хъæуты фæндæгты

Ленингоры районы администрацийы сæргълæууæджы хæдивæг Александр Бараташвили куыд фехъусын кодта, афтæмæй районы коммуналон службæйы кусджытæ цалцæг кæнынц Ленингор-Карчохы хъæууон фæндаг.
Бараташвили загъта, зæгъгæ, зымæджы рæстæджы бирæ мит кæй æруарыд, уый аххосæй æрцыд сыджыты лæсæнтæ æмæ хæххон хъæу Карчохмæ фæндаг фехæлд. Сæвзæрд дзы бирæ проблемон фадгуытæ. Ацы фæндагыл иуæй-иу машинæтæй дарддæр ницы машинæтæн уыд сæ бон цæуын. Уый та цæрджытæн проблемæтæ æвзæрын кодта.

Йæ ныхæстæм гæсгæ, ныридæгæн районы администрацийы цæрæнуатон-коммуналон хæдзарады управ-ленийы кусджытæ фæндаджы проблемон фадгуыты калынц хуыр æмæ змис хæццæйæ, æмæ йæ лæгъз кæнынц спецтехникæйæ.
«Æппæт куыстытæ дæр куы бакæнæм, уæд хъæуы цæрджытæ фæндагыл цæудзысты рог автомашинæтыл дæр», - загъта Бараташвили.
Уый кæронбæттæны банысан кодта, зæгъгæ, цалцæггæнæн куыстытæ фæуыдзысты 30 апрелмæ.