Nog adres

Гуырдзыстоны къухæй къухмæ лæвæрд цæуынц идеятæ æмæ нацизмы идеологи

Европæйы Советы Парламентон Ассамблеяйы уалдзыгон сессийы Гуырдзыстоны премьер-министры раныхасы фæдыл Республикæ Хуссар Ирыстоны Фæсарæйнаг хъуыддæгты министрады комментаритæ.
2013 азы 23 апрелы Гуырдзыстоны премьер-министр Бидзина Иванишвили раныхас кодта Страсбурджы Европæйы Советы Парламентон Ассамблеяйы сессийы æмæ æрдзырдта Гуырдзыстоны æддагон политикæйы сæйраг здæхтытæ æмæ хæслæвæрдтыл. Сæрмагондæй фехъусын кодта, зæгъгæ, «алкæмæн дæр зындгонд у, нæ паддзахады территорийы 20 проценты Уæрæсе кæй соккупаци кодта 2008 азы».

Ацы факты афтæхуыйнæг зындгонддзинад дызæрдыгдзинад нæ равзæрын кодта Европæйы Советы парламентаритæм, уымæн æмæ Ныгуылæн бирæ тыхтæ хардз кæны, цæмæй Гуырдзыстоныл бахæцын кæна демократон стандарттæ, æмæ æнæгуырдзиаг адæммæ, уыцы нымæцы иу мин иронмæ ахасты Тбилисы æппæт фыдмитæн æнцонтæй бары.
Хуссар Ирыстоны Фæсарæйнаг хъуыддæгты министрады къаддæр дисы не 'ппары уый, æмæ 2008 азы августы цауты Гуырдзыстоны къухдариуæгадæн, уый фæстæ та Европæйы Советы Парламентон Ассамблеяйы депутаттæн сæйрагдæр у, Хуссар Ирыстоны адæмы ныхмæ Гуырдзыстоны агресси нæ, фæлæ, ома, Гуырдзыстонимæ Уæрæсейы хæст. Уыцы иуварсон, фактон æгъдауæй фыдракæндон позици уымæн парахат цæуы, дунеон трибунæтæм хуссарирыстойнаг минæвæртты кæй нæ уадзынц, цыран уыдон дунейæн радзуриккой рæстдзинад гуырдзиаг фыдракæндты тыххæй, агрессийы фарстатæ æмæ сæм хуссайраг ирæтты геноцид бафтаугæйæ, уый тыххæй Хуссар Ирыстон разы у уæрæсейаг делегацийы ахæм инициативæйыл, зæгъгæ, «косовойæгтау Ассамблеямæ уагъд хъуамæ æрцæуой Хуссар Ирыстон æмæ Абхаз дæр».
Уыимæ иумæ ма Гуырдзыстоны премьер-министр фехъусын кодта, зæгъгæ, «Гуырдзыстоны хицауад фæстаг 20 азы дæргъы бирæ рæдыдтытæ æруагъта абхазæгтæ æмæ ирон æфсымæртæм ахасты». Хуссар Ирыстоны адæм хорз зонынц, гуырдзиæгтæ дæсгай азты дæргъы кæй хъомыл кодтой шовинизм æмæ ксенофобийы уавæрты, æмæ ирон адæм æмæ гуырдзиаг адæм æфсымæртæ никуы уыдысты, фæлæ хъысмæты фæндонмæ гæсгæ уыдысты сыхæгтæ.
Цæмæдæр гæсгæ, Иванишвилийы рох кæны, Хуссар Ирыстоны уæззау артиллерийæ куы æхстой, афтæ ма гуырдзиаг танктæ Цхинвалы уынгты куы рацу-бацу кодтой æмæ æгъатырæй куы æхстой сабыр цæрджыты, уый. Æвæц-цæгæн, Гуырдзыстон се 'фсымæртæм афтæ æвдисынц сæ уарзондзинад.
Фæстаг рæстæджы фенæн ис ахæм тенденци, кæцымæ гæсгæ критикæ концентрацигонд цæуы Гуырдзыстоны фыццаг персонæйы алыварс, æмæ барæй æвзæры ахæм хъуыды, зæгъгæ, радон тбилисаг лидеры аиуварс кæнгæйæ, ома, аххосджынтæ дæр нал ис. Уымæй дæр гуырдзиаг адæм фыдракæндты хайадисæгыл нымад не 'рцæуынц!
Хуссар Ирыстоны иу мисхал дызæрдыгдзинад дæр никæмæ æвзæры, зæгъгæ, Гуырдзыстоны ис идеяты æмæ нацизмы идеологийы къухæй къухмæ адæттынад. Уый сбæрæг кæнынæн æрхæссæн ис бирæ цæвиттонтæ. Сæр-магондæй, Иванишвили йæ ныхасы рæстæджы цалдæр хатты загъта, «Оккупацигонд территориты тыххæй» циникон закъонæн аивæн кæй нæй. Уымæй ноджыдæр æвдыст цæуы Хуссар Ирыстонмæ Гуырдзыстоны æнæивгæ ахаст.
Хуссар Ирыстоны не ‘ууæндынц ирон адæммæ ахасты æвиппайды сæвзæргæ сабыруарзаг æмæ æфсымæрдзинады тыххæй европæйаг трибунæтæй гуырдзиаг лидерты хъæрæй æмæ мæнг хъусынгæнинæгтыл.