Nog adres

МИНÆТÆЙ ÆДАСДЗИНАДЫ ФАРСТАТЫ ФÆДЫЛ НЫВТЫ РАВДЫСТ

chkolniki.jpg
Дзау æмæ Ленингоры районты скъолаты ахуырдзаутæ бацыдысты нывты равдыстмæ, кæцы арæзт æрцыд минæты æдасдзинады фарстаты фæдыл рухсады æмæ сæдас кæныны архайды æххуысы дунеон бонмæ. Сорганизаци йæ кодта Хуссар Ирыстоны Дунеон Сырх Дзуары комитеты мисси.
Дунеон Сырх Дзуары комитеты пресс-службæйы къухдариуæггæнæг Тедеты Маринæ куыд фехъусын кодта, уымæ гæсгæ равдысты æмæ ацы бонимæ баст æндæр мадзæлтты сæйраг нысан у уæрæх æхсæнадæн республикæйы минæты тæссагдзинады проблемæйы тыххæй зæрдыл æрлæууын кæнын.

«Февралы мæйы мах расидтыстæм нывты конкурс Хуссар Ирыстоны скъоладзауты 'хсæн минæты тæссагдзинады темæйыл. Абон хуынд æрцыдысты сывæллæттæ, уыцы нымæцы Дзау æмæ Ленингоры районтæй конкурсы уæлахиздзаутæ дæр. Нывты равдыст йедтæмæ ма скъоладзаутæн равдыстой ацы тематикæйы фæдыл фильм, кæцыйы дзырдæуы хæстон æрмæджыты тыххæй æмæ Дунеон Сырх Дзуары комитет раздæры конфликтты зонæты цæрджыты æдасдзинады тыххæй цы мадзæлттæ исы, уый тыххæй дæр», - банысан кодта Тедеты Маринæ.

Йæ ныхæстæм гæсгæ, равдыст аххæсдзæн 5 апрелы онг.

«Равдыст официалонæй байгом уыдзæн 4-æм апрелы, минæты æдасдзи-нады фарстаты фæдыл зоныны æмæ сæдас кæныны архайды æххуысы ду-неон боны. Фæлæ этапгай ахуырдзаутæ иууылдæр, районты æмæ горæты конкурсы уæлахиздзаутæ дæр хуынд сты нывты равдыстмæ», - загъта уый.

Банысан кæнын хъæуы уый дæр, æмæ Дунеон Сырх Дзуары комитеты мисси Хуссар Ирыстоны кæй æххæст кæны алыгъуызон планон гуманитарон архайд, цыран ис районты, хæстон архайдтытæй хъыгдардбаййафджыты минæты тæссагдзинад фæныллæгдæр кæныны фæдыл куыст дæр, æмæ æмбæстагон цæрджыты нормалон цардæн тæссаг кæм у, уым дæр.

Уæ зæрдыл уын лæууын кæнæм, æмæ минæты æдасдзинады фарстаты фæдыл рухсады æмæ сæдас кæныны архайды æххуысы дунеон бон расидт ИНО-йы Генералон ассамблея 2005 азы 8-æм декабры. Æмбæлон резолюци уынаффæ рахаста, цæмæй йæ нысан кæной æрвылаз дæр 4-æм апрелы.