Nog adres

БАЦАХСТОЙ ДЫККАГ БЫНАТ

kadeti_0.jpg
РХИ-йы Хъахъхъæнынады министрады Кадетон корпусы хъомылгæни-нæгтæ бацахстой дыккаг бынат X-æм Æпптæуæрæсейаг кадетон корпус-тæ æмæ скъолаты сборты, кæцы уагъд æрцыд Мæскуыйы 25-29 марты. Уый тыххæй фехъусын кодта Кадетон корпусы директор Тадтаты Артур.
«Нæ сывæллæттæ сæхи равдыстой аккагæй, уыдон семæ æрластой кубок, бирæнымæц грамотæтæ æмæ зæрдылдарæн лæвæрттæ. Конкуренци уыд бæрзонд. Сборты хайад истой 46 кадетон корпусты æмæ скъолаты делегацитæ, практикон æгъдауæй Уæрæсейы Федерацийы æппæт регионтæй», - загъта Тадтаты Артур.

Йæ ныхæстæм гæсгæ, хуссарирыстойнаг кадеттæ дыккаг аз фæдфæдыл бацахстой призон бынæттæ ацы конкурсы.
«Ивгъуыд азы æппæтуæрæсейаг кадетон скъолаты сборты рæстæджы дæр нæ хъомылгæнинæгтæ бацахстой дыккаг бынат», - банысан кодта директор.

Тадтаты Артур ма йæ ныхасмæ бафтыдта, зæгъгæ, абонæй фæстæмæ Кадетон корпусы хъомылгæнинæгтæ сæхи цæттæ кæнын райдайдзысты цытджын парадмæ, кæцы уагъд æрцæудзæн Цхинвалы 9 майы.