Nog adres

АРФÆТÆ

tibilov_1.jpg
Уæрæсейы Федерацийы Президент Владимир Путин раарфæ кодта Республикæ Хуссар Ирыстоны Президент Тыбылты Леонидæн йæ гуырæн боны цытæн.
Телы, сæрмагондæй, дзырдæуы:
«Цытджын Леонид Харитоны фырт!
Зæрдæбынæй дын арфæ кæнын дæ гуырæн боны цытæн. Мæ зæрдæ дын зæгъы царды иууыл хуыздæр фæндиæгтæ - амонд, æнæниздзинад æмæ ног æнтыстытæ дæ бæрнон архайды - Хуссар Ирыстоны адæмы фæрныгадæн.

Ныфс мæ ис уæрæсейаг-хуссарирыстойнаг хæларадон ахастытæ сфидар кæныны фæдыл нæ иумиаг дарддæры куыстæй, конструктивон дыууæфарсон æмгуысткæнынадæй».

***
«Бæрзонд аргъ дын кæнæм дæ архайдтытæн, кæцытæ здæхт сты Республикæ Хуссар Ирыстоны - æвзонг, хæдбар паддзахады позицитæ сфидар кæнынмæ, кæцы аразы фыццаг, фæлæ фидар къахдзæфтæ æхсæнады экономикон æмæ социалон рæзты фæндагыл», - банысан кодта Мамсыраты Таймураз.

Уый фидарæй загъта, зæгъгæ, Тыбылты Леониды цардуагон æмæ практикон фæлтæрддзинад ахъаз кæндзæн Хуссар Ирыстоны адæм ыл цы хæслæвæрдтæ сæвæрдтой, уыдон æнтыстджынæй скъуыддзаг кæнынæн. РЦИ-Аланийы Сæргълæууæджы хуссарирыстойнаг республикæйы Президентæн бафæндыд æнæниздзинад, амондджын цард æмæ йæ бæрнон æмæ ахсджиаг архайды æнтыстытæ.
Цæгат Ирыстон-Аланийы Сæргълæууæг
Мамсыраты Таймураз

***
«Приднестроваг Молдаваг Республикæ æмæ, сæрмагондæй, мæхи номæй, айс нæ иууыл зæрдæбындæр арфæтæ дæ гуырæн боны цытæн! Удуæлдайдзинады æмæ æнтыстджын куысты азты ды дæхи равдыстай куыд фæлтæрдджын, зондджын æмæ курдиатджын къухдариуæггæнæг, куыд æнæфехалгæ принциптæ æмæ фидар зондахастимæ политик, афтæ.
Республикæйы фæрныгадæн дæ профессионалон миниуджытæ æмæ бæрндзинад, бæрзонд компетентондзинад æмæ толерантондзинад, активон архайд ссардтой æнæфенкъуысгæ авторитет æмæ сты иууыл стырдæр кады аккаг.
Ныфс мæ ис, политикон ахуырдзинады дæ бæрзонд æмвæзад, нысанмæтырнындзинад, инициативондзинад, иууыл вазыгджындæр æмæ масштабон хæслæвæрдтæ эффективонæй скъуддзагкæныны арæхстдзинад дарддæр дæр кæй ахъаз кæндзысты Республикæ Хуссар Ирыстоны дидинæфтыд æмæ æндæр паддзахадтимæ бирæфарсон бастдзинæдты рæзтæн.
Бирæ азты дæргъы Хуссар Ирыстон æмæ Приднестровьейы бæттынц æууæнкдзинады ахастытæ, кæцытæ бындуриуæг кæнынц нæ иумиаг æмкуысткæнынадыл. Ныфс мæ ис, ацы хорз традицитæ дарддæр дæр кæй лæггад кæндзысты нæ адæмты фæрныгадæн!».
Приднестроваг Молдаваг
Республикæйы Президент
Евгени Шевчук

***
Абхазы Президент Александр Анкваб раарфæ кодта телефоны ныхас кæныны рæстæджы Тыбылты Леонидæн, бафæндыд æй Хуссар Ирыстоны Президентæн фидар æнæниздзинад, бирæ азты цæрæнбон æмæ æнтыстытæ Хуссар Ирыстоны адæмæн лæггад кæныны хъуыддаджы.
Уый æдтейæ ма, Анкваб равдыста йæ ныфсдзинад бæстæты 'хсæн политикон æмæ экономикон бастдзинæдты дарддæры рæзт æмæ фидар кæныны, Абхаз æмæ Хуссар Ирыстоны интересты иумæйагдзинад банысан кæнгæйæ, фыццаг рады регионы сабырдзинадмæ тырнындзинады.

***
Зынаргъ Леонид Харитоны фырт!
Æрвитын дын мæ иууыл хуыздæр фæндиæгтæ æмæ арфæтæ дæ царды фæндаджы бæрнон рæстæджы. Мæ зæрдæ дын зæгъы не ‘взонг республикæйы дарддæры рæзты фæдыл снысангонд проекттæ æмæ пълæнттæ æнтыстджынæй сæххæст кæнын æмæ дунеон аренæйы йæ авторитет сфидар кæнын.
Амондджын у дæ бинонтимæ.
Цыбырты Людвиг

***
Цытджын Леонид Харитоны фырт!
Зæрдæбынæй дын арфæ кæнын дæ гуырæн боны цытæн, дæ цардуагон фæлтæрддзинад у дæ адæмæн æгæрон лæггад кæныны ирд цæвиттон. Ацы диссаджы бон дын мæ зæрдæ зæгъы фидар æнæниз-дзинад, амонд æмæ дарддæры æнтыстытæ дæ паддзахадон архайды Хуссар Ирыстоны дидинæфтыды тыххæй.
Мæхъæлы президент
Ю.Б. Евкуров

***
Цытджын Леонид Харитоны фырт! Ацы бон мын айс мæ зæрдæбын арфæтæ. Мæ зæрдæ дын зæгъы фидар æнæниздзинад, æнтыстытæ, бирæ азты дæргъы æнтыстджын куыст æфсымæрон Республикæ Хуссар Ирыстоны фæрныгадæн.
Кæсæг-Балхъары
Сæргълæууæг Арсен Каноков

***
Республикæ Хуссар Ирыстоны Президент Тыбылты Леониды адресыл арфæтæ æрбацыдысты республи-кæйы æхсæнадон-политикон партиты æмæ змæлдтыты, паддзахадон ведомствоты къухдариуæггæнджы-тæй.
Афтæ ма арфæйы адрестæ æрæрвыстой Уæрæсейы къухдариуæгады официалон адæймæгтæ. Сæ арфæтæ æрбарвыстой РХИ-йы УФ-йы минæварад æмæ УФ-йы РХИ-йы минæварад, РХИ-йы «Россотрудничество»-йы минæварад.
Уый æдтейæ ма паддзахады сæргълæууæгæн раарфæ кодта РХИ-йы УФ-йы Æдасдзинады федералон службæйы арæнгæрон управленийы хистæр Валери Резниченко æмæ цыппæрæм уæрæсейаг æф-сæддон базæйы командæгæнæг Александр Шушукин. Президенты адресыл хъарм ныхæстæм æмæ арфæтæм æрбаиу сты Информаци æмæ мыхуыры паддзахадон комитет æмæ Бастдзинад æмæ дзыллон коммуникациты комитет. Парти «Иугонд Ирыстон», «Ирыстон - Сæрибары Фæзуат», «Фыдыбæстæ», «Ног Ирыстон», Коммунистон парти, Адæмон парти, афтæ ма Воронежы ирон æхсæнад «Фарн», Мæскуыйы ирон æхсæнад æмæ æндæрты паддзахады сæргълæууæгæн бафæн-дыд æввахс рæстæджы Хуссар Ирыстоны дидинæфтаугæ æмæ тыхджын паддзахадæй фенын.