Nog adres

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНДТÆ

Республикæ Хуссар Ирыстоны Паддзахадон хорзæхтæй схорзæхджын кæныны тыххæй
2008 азы августы Хуссар Ирыстоны цаутæ æвдисынæн баххуыс кæныны, хуссарирыстойнаг журналисттæн æмæ Тыбылты Алыксандры номыл Хуссар Ирыстоны Паддзахадон университеты студенттæн «Журналисты дæсныйады скъола» æнтыстджын организаци æмæ тренингтæ ауадзыны тыххæй хорзæхджын æрцæуæд:
«Хуссар Ирыстоны сабырдзинад бахъахъхъæныны»
майданæй

Булкъаты Алан Игоры фырт - политикон редакци «ИТАР-ТАСС»-ы кусæг;
Давыдова Алина Валерийы чызг - «РОСКОСМОС»-ы пресс-службæйы кусæг;
Литовкин Виктор Никъалайы фырт - газет «Независимое военное обозрение»-йы сæйраг редактор;
Мохов Владимир Александры фырт - газет «Тверская, 13»-ы арæз-тадон æмæ транспортон проблемæты хайады къухдариуæггæнæг;
Панов Виктор Сергийы фырт - агентад «РИА Новости»-йы ОРН-йы дунеон редакцийы къухдариуæггæнæджы хæдивæг;

Республикæ Хуссар Ирыстоны Кады грамотæйæ
Власов Алексей Викторы фырт - политологон центр «Север-Юг»-ы æххæстæгæнæг директор;
Лялюлина Дарья Алексийы чызг - Мæскуыйы Паддзахадон университеты политологийы факультеты студенткæ;
Пескова Ольга Юрийы чызг - æхсæнадон бастдзинæдты рæзты компанийы (КРОС) вице-президент;
Рекеда Сергей Вячеславы фырт - Мæскуыйы Паддзахадон университеты историон факультеты кæстæр зонадон кусæг;
Якушева Юлия Викторы чызг - политологон центр «Север-Юг»-ы æххæстгæнæг директоры хæдивæг.

Сладков Александры “Хæлардзинады орден”-æй схорзæхджын кæныны тыххæй
Уæрæсейаг-хуссарирыстойнаг хæларадон ахастыты рæзтмæ йе стыр сæрмагонд хайбавæрд, бæрзонд профессионалондзинад, æхсардзинад æмæ удуæлдайдзинады тыххæй, кæцытæ æвдыст æр-цыдысты 2008 азы августы Хуссар Ирыстоны ныхмæ гуырдзиаг агресси æвдисыны рæстæджы Хæлардзинады орденæй (0452) хорзæхджын æрцæуæд Сладков Александр Уасилы фырт - сæрмагонд уацхæс-сæг, телеканал «Россия»-йы «Æфсæддон программæ»-йы, автор æмæ уадзæг.

Республикæ Хуссар Ирыстоны Информаци æмæ мыхуыры паддзахадон комитеты сæрдары тыххæй
Республикæ Хуссар Ирыстоны Конституцийы 50-æм статьяйы 7-æм пунктыл бындуриуæггæнгæйæ уынаффæ кæнын:
1. Гобозты Вячеслав Федры фырт нысан æрцæуæд Республикæ Хуссар Ирыстоны Информаци æмæ мыхуыры паддзахадон комитеты сæрдарæй.
2. Гобозты В. Ф., дыууæ къуырийы æмгъуыдмæ Республикæ Хуссар Ирыстоны Хицауадмæ сфидар кæнынмæ æрбавдисæт Республикæ Хуссар Ирыстоны Информаци æмæ мыхуыры паддзахадон комитеты Уагæвæрд, структурæ æмæ штатон нымæц.
3. Ацы Барамынд йæ тыхы цæуы къух ыл æрфыссыны бонæй.

Республикæ Хуссар Ирыстоны Бастдзинад æмæ дзыллон коммуникациты комитеты сæрдары тыххæй
Республикæ Хуссар Ирыстоны Конституцийы 50-æм статьяйы 7-æм пунктыл бындуриуæггæнгæйæ уынаффæ кæнын:
1. Тыбылты Инал Русланы фырт нысан æрцæуæд Республикæ Хуссар Ирыстоны Бастдзинад æмæ дзыллон коммуникациты комитеты сæрдарæй, РХИ-йы Информаци, бастдзинад æмæ дзыллон комуникациты паддзахадон комитеты сæрдары бынатæй йæ ссæрибаргæн-гæйæ.
2. Тыбылты И.Р., дыууæ къуырийы æмгъуыдмæ Республикæ Хуссар Ирыстоны Хицауадмæ сфидар кæнынмæ æрбавдисæт Республикæ Хуссар Ирыстоны Бастдзинад æмæ дзыллон коммуникациты комитеты Уагæвæрд, структурæ æмæ штатон нымæц.
3. Ацы Барамынд йæ тыхы цæуы къух ыл æрфыссыны бонæй.
Республикæ Хуссар Ирыстоны
Президент ТЫБЫЛТЫ Леонид
г.Цхинвал,2013 азы 19 март

Нарыкъаты Любæйы “Хæлардзинады Орден”-æй
Схорзæхджын кæныны тыххæй

Райгуырæн бæстæйы раз йе сгуыхтдзинæдты, Хуссар Ирыстоны рæзгæ фæлтæры хъомылады фæдыл йæ бирæазон æнтыстджын фæллойадон архайды тыххæй æмæ йæ райгуырды 90-азы юбилейы тыххæй Нарыкъаты Любæ Никъалайы чызг хорзæхджын æрцæуæд “Хæлардзинады орден”-æй.

Богъиты Вадимы тыххæй
Республикæ Хуссар Ирыстоны Конституцийы 50-æм статьяйы 7-æм пунктыл бындуриуæггæнгæйæ уынаффæ кæнын:
1. Богъиты Вадим Иосифы фырт сæрибар æрцæуæд Республикæ Хуссар Ирыстоны Фæсивæдон политикæ, спорт æмæ туризмы фæдыл комитеты сæрдары бынатæй.
2. Ацы Барамынд йæ тыхы цæуы къух ыл æрфыссыны бонæй.
Республикæ Хуссар Ирыстоны
Президент ТЫБЫЛТЫ Леонид
г.Цхинвал, 2013 азы 21 март