Nog adres

БАНЫСАН КОДТОЙ УРСЫ КЪУЫРИ

maslenica.jpg
Республикæ Хуссар Ирыстоны Уæрæсейы Æдасдзинады федералон службæйы Арæнхъахъхъæнæг управленийы цæрæн зонæйы территорийыл æрæджы уагъд æрцыдис традицион уырыссаг «Масленица», зæгъгæ. Ацы бон зымæгæн фæзæгъынц хæрзбон. Адæм æрмæст хъæлдзæг зæрдæйæ нæ фæтезгъо кæнынц фæлæ ма сын ацы бæрæгбон балæвар кæны циндзинад, афтæ ма сын банкъарын кæны уалдзæджы æрбалæуд. Растдæр ахæм зæрдæйы уагимæ сæмбæлдысты бæрæгбоныл Арæнхъахъхъæнæг управленийы.
Сывæллæттæн æмæ сæ ныййарджытæн мадзалы хъæлдзæгдзинад æрхастой уырыссаг адæмон аргъæутты хъайтартæ, хъазыдысты алыгъуызон хъæзтытæй, сарæзтой ма æртæ метры бæрзæндæн быдыргъ.
Бæрæгбоны «Бæндæн ивазын», «Иууыл тыхджындæр», «Иууыл рæвдздæр» хъæзтытæ иууылдæр райстой активон хайад, , ерыс ма кодтой уырыссаг æмбисæндтæ æмæ тагъддзуринæгтæй, зарыдысты адæмон зар-джытæ.
Бæрæгбонмæ æрбацæуджытæм ма бахатыдысты æфсæддон касæй, сойы фых адджын лауызтæ фыхтæгимæ æмæ хъарм цайæ.
Кæд нæ республикæйы уыцы бон хъарм боныгъæд скодта, уæддæр æрымысыд, дард уæрæсейаг райгуырæн къуымы-иу раджы куыд фæндараст кодтой зымæджы, уый.

Кæронбæттæны та ссыгътой быдыргъы æмæ йын йæ æртхутæг уалдзыгон хъарм дымгæ фæйнæрдæм хаста. Уый фæстæ та суагътой уæларвмæ цы-рæгътæ ныфс æмæ хæлардзинады сæраппонд.
РХИ-йы УФ-йы Æдасдзинады
федералон
службæйы
арæнхъахъхъæнæг управленийы
пресс-службæ.