Nog adres

Республикæ Хуссар Ирыстоны Президенты Барамындтæ

Пухаты Федырæн «Республикæ Хуссар Ирыстоны сгуыхт экономист»-ы кадджын ном радтыны тыххæй
Финансон-экономикон къабазы йæ лæггæдты æмæ бирæ азты дæргъы цæсгомджын куысты тыххæй «Республикæ Хуссар Ирыстоны сгуыхт экономист»-ы кадджын ном лæвæрд æрцæуæд Пухаты Федыр Иваны фыртæн - Республикæ Хуссар Ирыстоны Сæйраг архивон управленийы финансон хайады хистæрæн.

Къæбысты Зауырæн «Республикæ Хуссар Ирыстоны сгуыхт журналист»-ы кадджын ном радтыны тыххæй
Журналистикæйы къабазы йæ лæггæдты æмæ бирæ азты дæргъы æнтыстджын сфæлдыстадон архайды тыххæй «Республикæ Хуссар Ирыстоны сгуыхт журналист»-ы кадджын ном лæвæрд æрцæуæд Къæбысты Зауыр Захары фыртæн.

Мгебришвили Робинзоны Кады грамотæйæ схорзæхджын кæныны тыххæй
Æхсардзинады тыххæй, кæцы уый равдыста дæлдонгæнæг сывæллоны ирвæзынгæн-гæйæ, Республикæ Хуссар Ирыстоны Кады грамотæйæ хорзæхджын æрцæуæд Мгебришвили Робинзон Гияйы фырт - Цхинвалы 11-æм астæуккаг скъолайы 10-æм къласы ахуыргæнинаг.

Республикæ Хуссар Ирыстоны
Президент ТЫБЫЛТЫ Леонид
г.Цхинвал,
2013 азы 25 февраль