Nog adres

Тыбылты Леонид йæ къух æрфыста Хуссар Ирыстоны национ-сæрибаргæнæн тохы æмæ геноциды амæттæгты нæмттæ сæнусон кæныны фæдыл къамис саразыны тыххæй Барамындыл

Хуссар Ирыстоны Президент Тыбылты Леонид йæ къух æрфыста Хуссар Ирыстоны национ-сæрибаргæнæн тохы æмæ геноциды амæттæгты нæмттæ сæнусон кæныны фæдыл къамис саразыны тыххæй Барамындыл, кæцы Гуырдзыстон сæххæст кодта ирæтты ахасты.
Йæ Барамынды паддзахады сæргълæууæг зæрдыл æрлæууын кодта, зæгъгæ, «сæрибардзинад æмæ хæдбардзинады фæндагыл, бирæ азты дæргъы Хуссар Ирыстоны адæм сæ хъайтарон тохы рæстæджы бавзæрстой уæззау фæлварæнтæ æмæ йын æрхаста æнæнымæц амæттæгтæ».

Хуссар Ирыстоны Национ-сæрибаргæнæн тохы æмæ геноциды амæттæгты, кæцы Гуырдзыстон сæххæст кодта ирæтты ахасты, цæмæй æнусонгонд æрцæуой фæлтæрты мысынады, уый тыххæй Тыбылты Леонид бахæс кодта Республикæ Хуссар Ирыстоны Президенты цур къамис саразын æмæ бахæс кодта къамисæн, цæмæй иу мæйы æмгъуыдмæ бакусой æмæ æрбавдисой æмбæлон мадзæлтты план.
Къамисы скондмæ бацыдысты:
Президенты Администрацийы къухдариуæггæнæг, къамисы сæрдар Цоциты Барис; Парламенты Сæрдары хæдивæг, къамисы сæрдары хæдивæг Цхуырбаты Мирæ; Уанеты Захары номыл Хуссар Ирыстоны зонад-иртасæн институы ахуыргонд секретарь Битарты Зоя, зонад-иртасæн институты директор, æхсæнадæмон æхсæнадон змæлд «Ирæтты Уæлдæр советы»ы координацион советы сæрдары хæдивæг Гаглойты Роберт; постконфликтон бæстонкæнынады фарстаты фæдыл Президенты æххæстбарджын минæвар Джиоты Мурат; Президенты паддзахадон уынаффæгæнæг Зассеты Жаннæ, Президенты паддзахадон уынаффæгæнг Коцты Константин, Президенты Адаминистрацийы къухдариуæггæнæджы фыццаг хæдивæг Пухаты Константин, Президенты Администрацийы къухдариуæггæнæджы хæдивæг Остъаты Мадинæ; адæймаджы барты фæдыл Президенты æххæстбарджын Тасойты Инал, Культурæйы министр Кокойты Махарбег.
Ацы Барамындмæ гæсгæ, къамисæн иу мæйы æмгъуыдмæ бахæсгонд æрцыд, цæмæй Хуссар Ирыстоны национ-сæрибаргæнæн тохы æмæ геноциды амæттæгты нæмттæ сæнусон кæныны фæдыл бакусой æмæ æрбавдисой мадзæлтты план.
РХИ-йы Президент æмæ Хицауады пресс-службæ