Nog adres

Бæрæг фæфылдæр ноггуырдты нымæц

Азы райдианæй Хуссар Ирыстоны райгуырд 60 сабийы. Уый тыххæй нын фехъусын кодтой РХИ-йы Æнæниздзинад хъахъхъæнын æмæ социалон рæзты ми-нистрады пресс-службæйы.
«Фæстаг азты махмæ дыууæ мæйы æмгъуыдмæ гуырд 30 сывæллоны бæрц. Æмæ ныр та дыууæ æнæххæст мæймæ нæ республикæйы а-дунемæ фæзынд 60 сывæллоны», - радзырдтой пресс-службæйы.
Пресс-службæйы кусæджы ныхæстæм гæсгæ, Цхинвалы чи райгуырд, уыцы сывæллæтты нымæц кæй фæфылдæр, уый баст у уыимæ, æмæ сылгоймæгтæй уæрæсейаг æмбæстагдзинад кæмæ ис æмæ æппынæдзухæй РХИ-йы чи цæры, уыдонæн фæзынд мады (бинонты) капиталы сер-тификат райсыны фадат, уый тыххæй Уæрæсемæ æнæацæугæйæ.

"Раздæр сылгоймæгтæ, кæцытæн ис уæрæсейаг æмбæстагдзинад æмæ æппынæдзух цæрынц нæ республикæйы территорийы, бар-æнæбары хъуыд арынмæ æмæ уый фæстæ та æмбæлон документтæ саразынмæ Цæгат Ирыстонмæ ацæуыны сæр, - бамбарын кодта министрады минæвар. Фæлæ ныр, нæ къухдариуæгады архайды руаджы, мады капиталы сертификат райсыны гæнæн ис Хуссар Ирыстоны дæр æмæ сылгоймæгтæ арæхдæр рай-дыдтой цæуын Цхинвалы гуырæн хæдзармæ. Ныр уыдоны нал хъæуы арынмæ Цæгат Ирыстонмæ цæуын, уыимæ ма уый баст уыд æнæхъуаджы уæлæмхас рæстæг æмæ финансон фæрæзтæ хардз кæнынимæ".
Уый æдтейæ ма, сылгоймæгтæ Цхинвалы гуырæн хæдзармæ райдыдтой цæуын, ацы хосгæнæн уагдоны материалон-техникон ифтонгкæнынад кæй фæхуыздæр, уый тыххæй дæр.