Nog adres

Концерт ратдзæн президенты цур паддзахадон хор

Anisim.jpg Ирон национ зарджыты нæлгоймæгты паддзахадон хор Дзадтиаты Анисимы къухдариуæгадæй хайад райсдзæн нæ республикæйы Хъахъхъæнынады министрады сырæзты 20-азы мадзæлтты æмæ Фыдыбæстæ хъахъхъæнæджы боны бæрæгбоны. Уый тыххæй нын фехъусын кодта хоры организатор Хъазиты Маринæ.
Йæ ныхæстæм гæсгæ, хоры репетицитæ уагъд цæуынц фæтыхджындæр режимы. «Мах алыхатт дæр тырнæм бындуронæй нæхи бацæттæ кæнынмæ, цæмæй концерт радтæм æмбæлон æмвæзадыл», — загъта уый. Æмæ ма йæ ныхасмæ бафтыдта, зæгъгæ, хистæр къорд архайы æрвылбон дæр.
«Тырнæм ахуырты план афтæ сорганизаци кæнынмæ, цæмæй сывæллæтты интерестæ хъыгдард ма цæуой. Уымæ гæсгæ кæстæр æмæ астæуккаг къордтæ репетици кæнынц къуырийы мидæг дыууæ-æртæ хатты, æмæ хистæр къорд та — алы бон дæр», — банысан кодта хоры организатор.
Уый ма бамбарын кодта, зæгъгæ, ныртæккæ хоры зары алыгъуызон кары 33 адæймаджы.
Уæ зæрдыл уын лæууын кæнæм, æмæ ирон национ зарджыты лæппуты паддзахадон хорæн бындур æвæрд æрцыд 2008 азы, хоры къухдариуæг-гæнæг Дзадтиаты Анисимы инициативæмæ гæсгæ.