Nog adres

«Бременаг музыканттæ» - нæ театры сценæйыл

DSC03186.JPG
Василий Ливанов æмæ Юрии Энтины пьесæмæ гæсгæ музыкалон спектакль «Бременаг музыканттæ»-йы премьерæ уыдзæн Хетæгкаты Къостайы номыл Хуссар Ирыстоны паддзахадон драмон театры сценæйыл 5-æм февралы. Уый тыххæй фехъусын кодта театры аивадон къухдариуæггæнæг Бибылты Сослан.
Йæ ныхæстæм гæсгæ, спектакль у астæуккаг кары сывæллæттæн. «Уый тынг хуызджын музыкалон аргъау у æмæ мæн уырны, кæй фæцæудзæн куыд сывæллæты, афтæ хистæр кары адæймæгты зæрдæмæ дæр. Спектаклы ис бирæ ирд уæлæдарæс, музыкалон номыртæ, ирд цымыдисон трюктæ, кæцыты æвæрæг у нæ театры актер Харебаты Жан-Жак. Спектаклы режиссер у Челæхсаты Эдуард», - загъта Бибылы фырт.
Уый ма йæ ныхæстæм бафтыдта, зæгъгæ, спектаклæн хуызджын уæлæдарæс бацæттæ кодта æвзонг курдиатджын уæлæдарæс нывгæнæг Цхуырбаты Вадим.