Nog adres

Хуыйæн фабрикæ исы кусджытæ

Цхинвалы хуыйæн фабрикæ исын райдыдта кусджыты. Уый тыххæй фехъусын кодта РХИ-йы Сæудæджерад, транспорт æмæ энергетикæйы комитеты сæрдар Дзассеты Уасил.
Йæ ныхæстæм гæсгæ, фабрикæйы бæстыхайы æвæрд æрцыдысты хуыйæн машинæтæ, куыстуаты кусын кæй фæнды, уыдоны исдзысты тесттæм гæсгæ.
«Куыстмæ бацæуын кæй фæнды, уыдонæн гæнæн уыдзæн хуыйæджы дæсныйады сæ фердæхтдзинад равдисын. Уый фæстæ сæ æвзардзысты куыстуатмæ райсыны тыххæй», - загъта уый.

Уый ма йæ ныхасмæ бафтыдта, зæгъгæ, фæнд кæнынц куыстуатмæ фæсивæды æмæ астæуккаг кары адæймæгты æрбакæнын.
«Перспективæйы ацы куысты хъæуы æвзонг æмæ хъаруджын адæймæгтæ», - банысан кодта уый.
Бæрæг куыд у, афтæмæй Цхинвалы хуыйæн фабрикæйы куыст урæд æрцыд ацæугæ æнусы 90-æм азты, Гуырдзыстоны хæстон агрессийы фæстиуæгæн Хуссар Ирыстоны цы уæззау экономикон уавæр сæвзæрд, уый фæстиуæгæн. 2012 азы кæрон петербургаг организаци «БТГ Групп» райста уынаффæ фабрикæйы скусын кæныны тыххæй.