Nog adres

АХСДЖИАГ ЧИНГУЫТÆ

0083_0.jpg
Мæскуыйы рауагъдад «Наука»-йы рауаддзысты чиныг Хуссар Ирыстоны топонимикæ æмæ ирон æвзаджы æмбарынгæнæн дзырдуаты æртыккаг том. Уый тыххæй нын фехъусын кодта Уанеты Захары номыл Хуссар Ирыстоны зонад-иртасæн институты директор Гаглойты Роберт. Йæ ныхæстæм гæсгæ, чингуытæ уагъд æрцæудзысты ацы аз фыццаг кварталы.

«Топонимикæйы фæдыл дзырдуаты автортæ сты Хуссар Ирыстоны зонад-иртасæн институты раздæры хистæр зонадон кусæг, филологон зонæдты кандидат Цхуырбаты Замирæ æмæ доцент, филологон зонæдты кандидат Дзиццойты Юри», - загъта директор.
Ирон æвзаджы æмбарынгæнæн дзырдуаты æртыккаг томы тыххæй Гаглойты Роберт бамбарын кодта, зæгъгæ, чиныджы фыццаг дыууæ томы дæр рауагъта рауагъдад «Наука».
«Фыццаг том рухсмæ рацыд 2007 азы, дыккаг та - 2011 азы», - банысан кодта уый. Йæ ныхæстæм гæсгæ, ирон æвзаджы æмбарынгæнæн дзырдуаты æртыккаг томы æмæ республикæйы топонимикæйы фæдыл чиныджы тираж уыдзæн фæйнæ 1000 экземпляры.