Nog adres

Районты/ АДÆМЫ ХÆРЗИУÆГÆН

Знауыры районы ацы аз план кæнынц культурон объектты цалцæггæнæн-æндидзынгæнæн куыстытæ фæуын. Уый тыххæй фехъусын кодта районы цæрæнуатон-коммуналон хæдзарады хистæр Сиукъаты Олег.
«Ацы аз мах план кæнæм библиотекæ, спортивон зал, Культурæйы хæдзар æмæ централон улæфæн парк эксплуатацимæ радтын. Культурæйы хæдзары æмæ ма библиотекæйы хъæуы мидæггагон куыстытæ фæуын æмæ сын сæ территориты хæрзарæзтадмæ æрæвналын», - загъта Сиукъаты Олег.

Уый æдтейæ ма, йæ ныхæстæм гæсгæ, районы фæнд кæнынц хæрзарæзтадон мадзæлттæ ауадзын, уыцы нымæцы централон уынгтæ срухс кæнын æмæ районы цæрæн пунктты ног тротуартæ сразын.
Сиукъаты Олег ма банысан кодта, зæгъгæ, ма сæ планы ис, финанскæнынад сын куыд уа, уымæ гæсгæ районон центры муниципалон цæрæн хæдзæртты хæрзарæзтадмæ æрæвналын дæр.