Nog adres

МЕДИКТÆ АЦЫДЫСТЫ КВАЛИФИКАЦИ БÆРЗОНДДÆР КÆНЫНМÆ

bolnica_0.jpg
Хуссарирыстойнаг дохтырты иу къорд ацыдысты Уæрæсейы Федерацимæ сæ квалификаци фæбæрзонддæр кæнынмæ. Уый тыххæй ИА «Рес»-æн фехъусын кодтой Рхи-йы æнæниздзинад хъахъхъæныны æмæ социалон рæзты министрады пресс-службæйы.
«Дыууæ хирург æмæ иу терапевт сæ квалификаци фæбæрзонддæр кæндзысты Цæгат Ирыстоны паддзахадон медицинон академийы фæсдипломон ахуырады факультеты базæйыл», - загътой пресс-службæйы.
Ноджы ма иу дохтыр-цармы æмæ венериологон республикон диспансеры дерматолог-венеролог ацыд Мæскуымæ, цæмæй мæй æмæ æрдæджы æмгъуыдмæ рацæуа квалификаци бæрзонддæргæнæн курсытæ фæсдипломон ахуырады Уæрæсейы медицинон академийы.
Ам ма куыд загътой, афтæмæй Уæрæсейы фарсимæ бадзургæйæ, РХИ-йы æнæниздзинад хъахъхъæныны министрад дарддæр дæр план кæны хуссарирыстойнаг медиктæн алыгъуызон специализацитæ, стажировкæтæ æмæ квалификаци бæрзонддæргæнæн курсытæ ауадзын Уæрæсейы иумиагахуырадон æмæ хосгæнæн уагдæтты.