Nog adres

Корейаг компани æмгуыст кæндзæн Хуссар Ирыстоны дыууæ комитетимæ

korea_1.jpg
Корейаг компани «Juan», Хуссар Ирыстоны сæудæджерад транспорт æмæ энергетикæйы фæдыл комитет æмæ Хуссар Ирыстоны информаци, бастдзинад æмæ дзыллон коммуникациты комитет къухтæ бафыстой æмкуысткæнынады суагъæйыл. Къухтæ бафыссыны церемони уагъд æрцыд 14-æм декабры Цхинвалы. Корейаг фарсæрдыгæй æмкуысткæнынады суагъæйыл къухтæ бафыссыны церемонийы хайад райста корпораци «Juan»-ы президент Муи Бен Соб, Хуссар Ирыстоны фарсæрдыгæй церемонийы хайад райстой информацийы, бастдзинад æмæ дзыллон коммуникациты фæрæзты паддзахадон комитеты сæрдар Тыбылты Инал æмæ сæудæджерад, транспортон æмæ энергетикон комитеты сæргълæууæг Дзассеты Васили.
Тыбылты Инал куыд банысан кодта, афтæмæй суагъæйы нысан цæуы дыууæ фарсы фæндондзинад Хуссар Ирыстоны бастдзинад æмæ телекоммуникациты райрæзты фæдыл æмкуысткæнынад.
-Нæ корейаг коллегæтæ нын радтой уæрæх проект бастдзинадон технологи нæ республикæйы территорийыл рауæрæхдæр кæнын. Мах æм хъуамæ лæмбынæг æркæсæм æмæ кæд нæ республикæйы интерестæн дзуапп дæтдзæн, уæд лæмбынæгдæр бакусдзыстæм ацы фарстатыл. Корейаг корпорацийы президент куыд банысан кодта, афтæмæй алыварсонæй дæр баххуыс кæндзысты Хуссар Ирыстоны райрæзтæн.

- Мах Хуссар Ирыстоны республикæйæн арфæ кæнæм æмæ сын нæ зæрдæ зæгъы, цæмæй размæ цæуой нырыккон техникæйы фæрæзты руаджы. Дзассеты Васили куыд банысан кодта, афтæмæй корейаг компанийы тынг фæнды Хуссар Ирыстоны кусæгон бынæттæ саразын æмæ цæттæ сты, йæ ныхæстæм гæсгæ, æмбæлон фæндон райсын ацы фарсты фæдыл.