Nog adres

Йæ Бæрзонддзинад Уæрæсейы Федерацийы Президент Владимир Владимиры фырт путинмæ

Цытджын Владимир Владимиры фырт!
Республикæ Хуссар Ирыстоны адæмы, разамынады æмæ сæрмагондæй мæхи номæй арфæ кæнын Дæуæн паддзахадон бæрæгбон - Конституцийы боны сæраппонд.
1993 азы æппæтуæрæсейаг референдумы райст чи æрцыд, уыцы Бындурон закъон ссис ног историон дуджы райдиан. Уæрæсейы æппæт барадон системæйы сæйраг хай суæвгæйæ, ног Конституци бындур æрæвæрдта бæстæйы æххæстгъæдджын демократон рæзтæн. Фадæтты æмбардзинадæн, æмбæстæгты бартæ æмæ сæрибардзинæдтæн гаранти дæтгæйæ, уый Уæрæсейæн фадат радта æхсæнадон æмразыдзинад бахъахъхъæнынæн, паддзахадæн иууыл вазыгджындæр азты бафæразын æмæ нырыккон дунейы аккаг бынат бацахсынæн.

Абон бæстæйы политикон æмæ экономикон стабилондзинад, йæ дунеон авторитеты æнæкъуылымпы рæзт бирæбæрцæй сты, Бындурон закъон дырысæй хъахъхъæд кæй цæуы, уый фæстиуæг, уый у Дæ фæдфæдылон политикæ, кæцы фадат радта паддзахады Конституцийæ комкоммæ архайды документ саразын.
Хуссар Ирыстоны стыр аргъ кæнынц паддзахадон-барадон рацаразындзинæдты уæрæсейаг фæлтæрддзинадæн. Ныфс мæ ис, уый дарддæр дæр кæй ахъаз кæндзæн Уæрæсе æмæ Хуссар Ирыстоны 'хсæн æппæтфарсон бастдзинæдты позитивон рæзтæн.
ТЫБЫЛТЫ Леонид,
Республикæ Хуссар Ирыстоны Президент
Цхинвал, 2012 азы
12 декабрь.