Nog adres

УГО ЧАВЕСЫ БУЗНЫДЖЫ НЫСТУАН

chaves_4.jpg
Республикæ Хуссар Ирыстоны Президент Тыбылты Леониды адресыл райстæуыд бузныджы ныстуан Боливариайнаг Республикæ Венесуэлæйы Президент Уго Чавесæй. Ныстуаны, сæрмагондæй, дзырдæуы:
«Айс мын мæ æфсымæрон арфæ Боливариайнаг Республикæ Венесуэлæйы адæм æмæ хицауады номæй æмæ мын бар радт, зæгъон Дын бузныг 2012 азы 1 октябры æвзæрстыты фæуæлахизы фæдыл дæ хъарм арфæты тыххæй, кæцытæ бæлвырд кæнынц, Венесуэлæ раст фæндагыл кæй цæуы, ууыл кæй æууæндыс, уый.
Хъæлæс дæттыны бон Венесуэлæ сарæзта йæ сæрибар равзæрст, цы аразы, уый тыххæй бæрндзинад æмбаргæйæ, фæлæ æцæг цины æнкъарæнтимæ. Йæ фæстиуджытæ гæнæн нæ уыд æмæ æхцондзинад ма æрхастаиккой. Уый, æнæдызæрдыгæй, уыд кадджын бон Венесуэлæйы æппæт адæмæн, кæцы æвзæрстыты диссаджы æмæ æндыгъд боны фæстаг минутмæ тох кодта, цæмæй æгас дунейæн фенын кодтаид йе стыр æнувыддзинад демократийыл. Уыцы бон, 7 октябры, Венесуэлæ фенын кодта, кæй у арф политикон мотивацийы, æвидигæ удварны æмæ демократон сабырадон уагыл быцæудзинæдтæ скъуыддзаг кæнынмæ тырнæг бæстæ. Уый бæлвырд кæны æвзæрстыты нæ бæстæйы æппæт историйы дæргъы æвзарджыты рекордон проценты хайадист, кæцы уыд 80 процентæй фылдæр.

Афтæ кæй у, уымæ гæсгæ махæн абон ис уникалон историон фадат, цæмæй хисæрмагонд интерестæй уæлдæр сæвæрæм национ æнгомдзинады тыхджын æнкъарæн, кæцы здæхт уа нæ Райгуырæн бæстæ æмæ нæ адæмы фæрныгад къухты бафтын кæнынмæ. Нæ бæстæ раздæрæй ноджы стырдæр хъарутимæ æххæст кæндзæн нæ Уæлахизхæссæджы ныхæстæ, кæцыты загъта 1819 азы Ангостуры æмæ кæцыйы фæдзæхстытæм гæсгæ куыста нæ Хицауад: разамынд кæныны хуыздæр системæ у ахæм системæ, кæцы йæ адæмæн дæтты, цас гæнæн ис, уыйбæрц фылдæр амонд, цас гæнæн ис, уыйбæрц фылдæр социалон хъахъхъæнынад æмæ политикон стабилондзинад.
Айс мын, Дæ Бæрзонддзинад, мæ хæлардзинады æмæ дын стыр аргъ кæныны тыххæй мæ ныхæстæ.